އެމް.ޑަބްލިޔު.އެސް.ސީއަށް ހަވާލުވެފައިވާ ހުރިހާ މަސައްކަތްތަކެއް މިދައުރުގެ ތެރޭގައި ނިންމާނެ ކަމުގައި އެމް.ޑަބުލިޔު.އެސް.ސީ ގެ މެނޭޖިން ޑައިރެކްޓަރ ޙަސަން ޝާޚު ވިދާވެއްޖެއެވެ.

ޝާޚު ވިދާޅުވީ، އެކުންފުންޏާއި މިދައުރުގެ ތެރޭގައި ގިނަ މަޝްރޫޢުތަކެއް ހަވާލުވެފައިވާ ކަމަށާއި ކުންފުނީގެ ކާމިޔާބީ ގުޅިފައިވަނީ އެ މަޝްރޫޢުތަކާއި ކަމަށެވެ. އަދި ތަފާތު 31 ރަށެއްގައި ފެނާއި ނަރުދަމާއާ ގުޅުން ހުރި، 68 އެކުންފުނިން ދަނީން ހިންގަމުން ކަމަށާއި އޭގެ ތެރެއިން، 28 މަޝްރޫޢެއްގެ މަސައްކަތް ނިންމައި ރައްޔިތުންނަށް އޭގެ މަންފާ ދަނީ ކުރަމުން ކަމުގައި ޝާޚު ވިދާޅުވިއެވެ. އަދި ބާކީ 40 މަޝްރޫޢުގެ މަސައްކަތުގެ ބޮޑުބައެއް މިހާރު ވަނީ ނިންމާލެވިފައި ކަމަށާއި މިދައުރު ނިމުމުގެ ކުރިން ހުރިހާ މަޝްރޫއެއްވެސް ނިންމާލެވޭނެ ކަމުގައި ޝާޚު ވިދާޅުވިއެވެ.

ޝާޚު ވިދާޅުވީ، މިހާތަނަށް މިދައުރުގައި ކޮށްނިންމިފައިވާ މަސައްކަތުގެ އަގު، އެއްބިލިޔަން ރުފިޔާއަށް އަރާ ކަމަށާއި، އެއީ އެމްޑަބުލިޔުއެސްސީގެ ފާއިތުވެ ދިޔަ ދިގުތާރީޚުގައި، މީގެ ކުރިން ހިންގާފައި ހުރި ޖުމުލަ މަޝްރޫޢުތަކުގެ އަދަދާއިވެސް ނުބައްދަލު އަދަދެއް ކަމަށެވެ. އަދި މިދައުރުގެތެރޭގައި އެކުންފުނިން އިންޤިލާބީ ކުރިއެރުންތަކެއް ޙާޞިލްކޮށްފައިވާ ކަމުގައިވެސް ޝާޚު ވިދާޅުވިއެވެ.

ސަރުކާރުން، މާލޭ ވޯޓަރ އެންޑް ސެވަރޭޖް ކޮމްޕެނީ (އެމް.ޑަބްލިޔު.އެސް.ސީ) އުފައްދަވާފައި ވަނީ، 1 އޭޕްރީލް 1995 ގައެވެ.