މިއަހަރު ރާއްޖެއަށް 2 މިލިއަން ފަތުރުވެރިން ގެނައުުގެ އަމާޒާއި އެކު، އަހަރުގެ ފުރަތަމަ ފަތުރުވެރިޔާއަށް ރާއްޖެއިން މަރުޙަބާ ކިޔައިފިއެވެ.

މިއަހަރު ރާއްޖެއަށް އައި ފުރަތަމަ ފަތުރުވެރިޔަކީ، އިނގިރޭސި ރައްޔިތެއްކަމުގައިވާ ބެންޖަމިން ޑަންކަން މޯއެވެ.

އައު އަހަރުގެ ފުރަތަމަ ފަތުރުވެރިޔާއަށް މަރުހަބާކިޔުމަށް ކުލަގަދަ ހަރަކާތްތަކެއް ވެލާނާ އިންޓަރނޭޝަނަލް އެއާޕޯޓުގައި ވަނީ ބާއްވާފައެވެ. މިގޮތުން އައު އަހަރުގެ ފުރަތަމަ ފަތުރުވެރިޔާއަށް މަރުޙަބާ ދެންނެވުމަށް، މިނިސްޓަރ އޮފް ޓޫރިޒަމް އިބްރާހީމް ފައިޞަލް އާއި، އެމްއެމްޕީއާރްސީގެ އިސްވެރިންނާއި، އެމްއޭސީއެލްގެ އިސްވެރިން ވަޑައިގެންނެވިއެވެ. 

ނިމުނު އަހަރު ރާއްޖެއަށް 1.8 މިލިއަން ފަތުރުވެރިން ވަނީ ޒިޔާރަތްކޮށްފައެވެ.