ރިޔާސީ ވަޢުދުފުޅާއި އެއްގޮތަށް ހުޅުމާލޭގެ މުނިސިޕަލް ޚިދުމަތްތައް ސިޓީކައުންސިލްގެ ދަށަށް ބަދަލުކުރެއްވުމަށް ނިންމަވައިފިއެވެ.

ރައީސުލްޖުމްހޫރިއްޔާ ވިދާޅުވީ މާދަމާއިން ފެށިގެން ހުޅުމާލޭގެ މުނިސިޕަލްޓީގެ އެންމެހޭ މަސައްކަތެއް މާލޭ ސިޓީ ކައުންސިލުގެ ދަށަށް ބަދަލުވެގެންދާނެ ކަމަށެވެ. އަދި ގޮތަށް މިއަދު ނިންމެވީ މިއަދު އޮތް ވަޒީރުންގެ މަޖިލީގުގައި އެކަމާއި ގުޅޭ ގޮތުން މަޝްވަރާކުރެއްވުމަށްފަހުގައި ކަމަށްވެސް ރައީސުލްޖުމްހޫރިއްޔާ ވިދާޅުވިއެވެ. 

މީގެ އިތުރުން ރައީސުލްޖުމްހޫރިއްޔާ ވިދާޅުވީ، ކުރިޔަށް އޮތް މަސް ދުވަހުގެ ތެރޭގައި، މުނިސިޕަލް ބިންތަކާއި މެޝިނަރީޒް އަދި މުވައްޒަފުންވެސް މާލޭ ސިޓީ ކައުންސިލްގެ ދަށަށް މުޅިން ބަދަލުކުރެވިގެންދާނެ ކަމަށެެވެ. އަދި މުވައްޒަފުން މާލޭ ސިޓީ ކައުންސިލްގެ ދަށަށް ބަދަލުކުރެވޭނީ މިހާރުވެސް އެމުވައްޒަފުންނަށް ލިބޭ މުސާރަޔާއި ޢިނާޔަތްތަކާއި އެކުގައި ކަމަށްވެސް ރައީސް ވިދާޅުވިއެވެ.

ހުޅުމާލޭގެ މުނިސިޕަލް ޚިދުމަތްތައް އާބަންކޯގެ ދަށަށް ބަދަލުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދެކެވެ. އަދި އެވަޢުދުފުޅު ހަފްތާ 14ގެ ތެރޭގައި ފުރިހަމަކުރެއްވުމަށް ވަނީ ހިމަނުއްވާފައެވެ.