މާލެއަށް ވެހެމުންދާ ބޯ ވާރެއާއިއެކު އަމީނީމަގުގެ މަސައްކަތް ނުކުރެވި ވަނީ މަޑު ޖައްސާލަންޖެހިފައި ވާތީއާ، އަމީނީމަގުގެ މަސައްކަތް ކުރިއަށްދާ ސަރަހައްދަކީ ހިނަގާބިނގާވެ އުޅުމަށް އާންމުނަށް ރައްކާތެރި ސަރަހައްދަކަށް ނުވުމާއިއެކު، އެ ސަރަހައްދަށް އާންމުން ނުވަނުމަށް ޜޯޑް ޑިވެލޮޕްމެންޓް ކޯޕަރޭޝަނުން އިލްތިމާސްކޮށްފިއެވެ.

އެކުންފުނިން މިކަމަށް އިލްތިމާސްކުރީ، ރެއާ މިއަދު ހެނދު މާލެއަށް އާދަޔާ ޚިލާފަށް ބޯކޮށް ވާރޭވެހި ފެންބޮޑުވުމާއި ގުޅިގެންނެވެ.

އަމީނީމަގުގެ ހަދަމުންދާ ސަރަހައްދަކީ، މާލޭގައި ކުރިންވެސް އާއްމުކޮށް ފެންބޮޑުވަމުން އަންނަ ސަރަހައްދެކެވެ. މަގު ހެދުމުގެ މަސައްކަތަށް ކޮނެފައިވާ ވަޅުގަނޑުތަކަށްވެސް ފެން އެޅި ފުރިފައި ވާއިރު، އެސަރަަހައްދަށް އާއްުމުން ވަންނަ ނަމަ އަނިޔާއެއް ވުމުގެ ފުރުބަތު ބޮޑުވާނެއެވެ. އަމީނީމަގު ރޭޑިއޯ ބިލްޑިން އާ ހިސާބުން ފެށިގެން ބޮޑުތަކުރުފާނު މަގާއި ގުޅޭ ހިސާބަށް މަގުގައި ތާރު އަޅައި ޒަމާނީ ފެންވަރަށް ހެދުމުގެ މަސައްކަތް އަންނަނީ ކުރަމުންނެވެ.

އަމީނީ މަގުގައި ހަދަމުންދާ ސަރަހައްދުތަކަށް އާއްމުން ފައިމަގުގައި ނުވަނުމަށް ރޯޑް ކޯޕަރޭޝަނުން އިލްތިމާސްކޮށްފައި ވާއިރު، ވިލިގިނލީ ފެރީން ދަތުރުކުރާ މީހުންނަށް ޓާރމިނަލްއަށް ވަދެވެން އޮންނަ އެންމެ ކުރުގޮތަކީ، ހަދަމުންދާ ސަރަހައްދުގެ ތެރެއިން ހިނގާފައި ދިޔުންކަމަށް ވާޓި ގިނަ ބަޔަކު އެސަރަހައްދަށް ވަންނަކަން ފާހަގަކުރެވިފައިވެއެވެ.

ތާރުއަޅައިގެން ޒަމާނީ ފެންވަރަށް އަމީނި މަގު ހެދުމުގެ މަޝްރޫޢުގެ ދަށުން މިހާތަނަށް ނުނިމި އޮތް ދެ ސެގްމެންޓްގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަންއިން ފަށާފައި ވަނީ މި ޑިސެމްބަރު މަހުގެ 9 ވަނަ ދުވަހުގައެވެ.