Advertisement
މިސަރުކާރުގެ އެންމެ އިސް ތިން ބޭފުޅުން ---
ރައީސާއި ނައިބު ރައީސް މަޤާމުން އަޒުލު ކުރުން ފަސޭހަކޮށް މަޖިލީހުގެ ޤަވާއިދު ބަދަލުކޮށް ކޮމިޓީން ފާސްކޮށްފި
ރައީސުލްޖުމްހޫރިއްޔާ އާއި އެމަނިކުފާނުގެ ނައިބުމަޤާމުން އަޒުލުކުރުން ފަސޭހަވާނޭ ގޮތަށް ރައްޔިތުންގެ މަޖިލީހުގެ ޤަވާއިދަށް ހުށައަޅާފައިވާ އިސްލާޙްތައް ރައްޔިތުންގެ މަޖިލީހުގެ އާއްމު ކޮމިޓީން ފާސްކޮށްފިއެވެ.
ރައީސާއި ނައިބު ރައީސް މަޤާމުން ވަކިކުރުމާއި ގުޅޭ ގޮތުން، ރައްޔިތުންގެ މަޖިލީހުގެ ޤަވާއިދުގައި އެކަށައަޅާފައިވާ އިޖުރާއަތްތަކަށް ބަދަލު ގެނައުމަށް ހުށައަޅުއްވާފައި ވަނީ، ދަ ޑިމޮކްރެޓްސްއަށް ނިސްބަތްވެވަޑައިގަންނަވާ، އެޕާޓީގެ ޕާލަމެންޓްރީ ގްރޫޕުގެ މެމްބަރު ޢަލީ އާޒިމްވެ.
އާއްމު ކޮމިޓީން ފާސްކޮށްފައި ވަނީ، ރައްޔިތުންގެ މަޖިލީހުގެ ޤަވާއިދުގެ، 41 ވަނަ ބާބުގައި ބަޔާންކޮށްފައިވާ މާއްދާތަކަށެވެ. މިގޮތުން މައިގަނޑުގޮތެއްގައި ގެނެސްފައިވާ ބަދަލުތަކަކީ ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން ވަކިކުރުމާއި ގުޅޭ އިޖުރާއަތްތައް ހިންގުމަށް ކަނޑައަޅާފައިވާ މުއްދަތު ކުރުކުރުމެވެ. އަދި މަޖިލީހުން އެފަދަ ވޯޓެއް ނަގާއިރު، މެމްބަރުންގެ އަދަދާއި ފާސްވުމަށް ބޭނުންވާ އަދަދާއި އަޣުލަބިއްޔަތު ކަނޑައެޅުމުގައި އެވަގުތަކު މަޖިލީހުގައި މެމްބަރުން ތިއްބެވި ޢަދަދުގެ މައްޗަށް ކަންކަން ތަރުތީބު ކުރުންވެސް ހިމެނެއެވެ.
ރައްޔިތުންގެ މަޖިލީހުގެ އާއްމު ކޮމިޓީން މަޖިލީހުގެ ޤަވާއިދަށް ގެނައުމަށް ހުށައަޅާފައިވާ ބަދަލާއިއެކު، މިހާރު އޮތް 19 ވަނަ ރައްޔިތުންގެ މަޖިލީހުގެ މެޖޯރިޓީ އޮތް އެމްޑީޕީއަށް، ދަތިކަމެއް ނެތި، ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަޤާމުން އަޒުލްކުރުމުގެ ވޯޓު ފާސްކުރުމުގެ ފުރުޞަތު ލިބިގެން ދެއެވެ.
