ސަރުކާރުގެ އެންމެ ބޮޑު ޔުޓިލިޓީ ކުންފުނީގެ މެނޭޖިން ޑައިރެކްޓަރުގެ މަޤާމަށް، ކުރީގެ މަޖިލިސް މެމްބަރު މުޢާޒް މުޙައްމަދު ރަޝީދުއައްޔަނު ކުރައްވައިފިއެވެ.

މުޢާޒު ފެނަކަ ކޯޕަރޭޝަނުގެ މެނޭޖިން ޑިރެކްޓަރުގެ މަޤާމާއި ހަވާލުވެ ވަޑައިގެން އަންގާރަދުވަހު ވަނީ މަސައްކަތްޕުޅު ފައްޓަވާފައެވެ.

މުއާޒަކީ، 18 ވަނަ ރައްޔިތުންގެ މަޖިލީހުގައި ރައްޔިތުންގެ މަޑަވެލި ދާއިރާގެ މެމްބަރުގެ މަޤާމު ފުރުއްވާފައިވާ ބޭފުޅެކެވެ. 

މުޢާޒް ފެނަކަ ކޯޕަރޭޝަނާއި ހަވާލުވެވަޑައިގެންނެވި އިރު، އެކުންފުނި އޮތީ މާލީ މައްސަލަތަކެއްގެ ތެރޭގައެވެ.

ފެނަކައިގެ މެނޭޖިންގ ޑައިރެކްޓަރުގެ މަޤާމަށް މުޢާޒް މުހައްމަދު ރަޝީދު ޢައްޔަނު ކުރުމާއި ގުޅިގެން އެކުންފުނީގެ މުވައްޒަފުންގެ ފަރާތުން އެމަނިކުފާނަށް ވަނީ ވަރަށް ހޫނު މަރުޙަބާއެއް ދަންނަވާފައެވެ.