ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ސަރުކާރުގެ އިސްމަގާމުތަކަކަށް މިއަދު ބޭފުޅުން އައްޔަން ކުރައްވައިފިއެވެ. އެގޮތުން މިނިސްޓަރުންގެ ފެންވަރުގައި 2 ބޭފުޅަކު، ސްޓޭޓް މިނިސްޓަރުންގެ ފެންވަރުގައި 3 ބޭފުޅަކު އަދި ގައުމީ ޔުނިވަރސިޓީގެ އިސް މަގާމުތަކަށްވެސް 3 ބޭފުޅަކު ވަނީ ޢައްޔަންކުރައްވާފައެވެ.

ގައުމީ ޔުނިވާސިޓީގެ ޗާންސެލާކަމަށް އައްޔަންކުރައްވާފައިވަނީ މާފަންނު ލައިޓްކޯނަރ-4 ޑޮކްޓަރ މަޙްމޫދު ޝައުޤީއެވެ. މީގެ އިތުރުން ދެން އެ ޔުނިވަރސިޓީއަށް އައްޔަން ކުރެއްވީ ވައިސް ޗާންސެލަރކަމަށް، މާފަންނު އެމޭޒަން ޑޮކްޓަރ ޢާއިޝަތު ޝެހެނާޒު އާދަމް އާއި މާފަންނު ހިތިމާގެ ޑޮކްޓަރ ޢަލީ ޒާހިރުއެވެ.

ސްޓޭޓް މިނިސްޓަރ ފެންވަރުގައި މޯލްޑިވްސް އިމިގްރޭޝަންގެ ކޮންޓްރޯލަރ ޖެނެރަލްގެ މަގާމަށް އައްޔަން ކުރައްވާފައިވަނީ ގަލޮޅު ލިޓޯނިޔާ މުޙައްމަދު ޝަމްޢާން ވަޙީދުއެވެ. އަދި މި ފެންވަރުގައި ދެން އައްޔަން ކުރެއްވީ ޗީފް އޮފް ސްޓާފް އެޓް ދަ ވައިސް ޕްރެސިޑެންޓްސް ރެޒިޑެންސްގެ މަގާމަށް، ތިލަދުންމަތީ އުތުރުބުރި ވަށަފަރު ބްލޫހައުސް މުޙައްމަދު ވަޙީދު ޙަސަން އާއި ނޭޝަނަލް ސެންޓަރ ފޮރ އިންފޮރމޭޝަން ޓެކްނޮލޮޖީ ހިންގަވާ އިސް ބޭފުޅެއްގެ ގޮތުގައި، މިނިސްޓަރ އޮފް ސްޓޭޓް ފޮރ ހޯމް ލޭންޑް ސެކިއުރިޓީ އެންޑް ޓެކްނޯލޮޖީ ކަމަށް، މައްޗަންގޮޅި ބޮޑުދަހަރާގެ ޑޮކްޓަރ މުޙައްމަދު ކިނާނަތުއެވެ.

Advertisement

މިނިސްޓަރުން ފެންވަރުގައި އައްޔަން ކުރައްވާފައިވަނީ، މިނިސްޓަރ އެޓް ދަ ޕްރެޒިޑެންޝަލް ޕެލަސްގެ މަގާމަށް، ގަލޮޅު ވަށަފަރު އިޤްބާލް އާދަމްއާއި، މިނިސްޓަރ  އޮފް ފޮރިން އެފެއާޒްގެ އެމްބެސެޑަރ އެޓް ލާރޖްގެ މަގާމަށް، މާފަންނު ކޮތަންމާގެ މުޙައްމަދު ޙުސައިން ޝަރީފް އެވެ.