Advertisement
ކުރީގެ ރައީސް އިބްރާހީމް މުޙައްމަދު ޞާލިޙް --
ރައީސް ޞާލިޙް، ޑރ. މުޢިއްޒުއަށް މަރުޙަބާ ވިދާޅުވެއްޖެ
ރައީސުލްޖުމްހޫރިއްޔާގެ މަޤާމުގެ ހުވައި މިއަދު ކުރެއްވި، ޑރ. މުޙައްމަދު މުޢިއްޒަށް، ކުރީގެ ރައީސް އިބްރާހީމް މުޙައްމަދު ޞާލިޙް މަރުޙަބާ ވިދާޅުވެއްޖެއެވެ.
ކުރީގެ ރައީސް ޞާލިޙް ވިދާޅުވީ، ދިވެހި ޖުމްހޫރިއްޔާގެ 8 ވަނަ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުއަށް އިޚްލާޞްތެރި މަރުޙަބާ ދަންނަވާކަމަށާއި، އަދި، ވެރިކަމުގެ މި ފެށޭ ދައުރުގައި އެމަނިކުފާނަށް ކާމިޔާބަށް އެދިވަޑައިގަންނަވާ ކަމަށެވެ.
އައު ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު މަޤާމުގެ ހުވައި ކުރެއްވުމާއިއެކު، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ވެރިކަމުގެ ފަސްއަހަރުގެ ދައުރު މިއަދު ހަމަވީއެވެ.
އެހެން ފަހަރުތަކާއި ޚިލާފަށް މިފަހަރު ވެރިކަމުގެ ބާރުތައް ބަދަލުވެ ސަރުކާރު ބަދަލުވެގެން ގޮސްފައި ވަނީ ވަރަށް އަމާންކަމާއި އޮމާންކަމާއި އެކުގައެވެ.
