ރާއްޖޭގެ އިންތިހާބީ ރައީސުލް ޖުމްހޫރިއްޔާ، ޑރ. މުޙައްމަދު މުއިއްޒު މާލޭގެ މޭޔަރުކަމުން އިސްތިއުފާ ދެއްވައިފިއެވެ.

މިކަން ހިއްސާ ކުރެއްވުމުގެ ގޮތުން އެ މަނިކުފާނު "އެކްސް" ގައި ކުރެއްވި ޕޯސްޓެއްގައި ޔަޤީންކަން ދެއްވީ، މާލޭ ސިޓީގެ މޭޔަރުކަމުން އެ މަނިކުފާނު ވަކިވި ނަމަވެސް، މާލޭގެ ރައްޔިތުންގެ އުއްމީދުތައް ހާސިލްކޮށްދިނުމުގައި ދެމިހުންނާނެކަމެވެ. 

މީގެ އިތުރުން މާލެ ސިޓީ ކައުންސިލްގެ އެންމެހާ ކައުންސިލަރުންނާއި، ވެރިންނާއި، މުވައްޒަފުން އެ މަނިކުފާނަށް ދެއްވި ފުރިހަމަ އެއްބާރުލެއްވުމަށާއި، ކުރެއްވި ބުރަ މަސައްކަތްޕުޅަށް ޝުކުރު ދަންނަވާފައިވެއެވެ. އަދި މާލެ ސިޓީގެ ރައްޔިތުން ޑރ. މުއިއްޒު މޭޔަރ ކަމަށް ހޮވުމަށް ކުރެއްވެއްވި ތާޢީދަށާއި، މޭޔަރ ކަމުގައި ޚިދުމަތް ކުރުމުގައި ދެއްވި ތާޢީދާއި އެއްބާރުލެއްވުމަށް ޝުކުރު ދަންނަވާފައިވެއެވެ.

ޑރ. މުއިއްޒު ހުވާކުރެއްވުމުގެ ރަސްމިއްޔާތު އޮންނާނީ މިއަދު ހަވީރު 16:30 ގައި ޖުމްހޫރީ މައިދާނުގައެވެ.