Advertisement

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް --

11 Nov 2023
ޚަބަރު

ރައީސްގެ ވާހަކަފުޅަށް މައުމޫނު ފާޑު ވިދާޅުވެއްޖެ

ގިނަ ޕާޓީ އެކުލެވޭ ސިޔާސީ ނިޒާމަށް ރާއްޖެ ބަދަލުވި ފަހުން އޮމާންކަމާއެކު ވެރިކަން ބަދަލުވުމުގެ މަރުޙަލާ ކުރިޔަށް ދަނީ މިފަހަރުކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވުމުން، އެކަމަށް ރައީސް މައުމޫން ފާޑު ވިދާޅުވެއްޖެއެވެ.

ޖުމްހޫރީ ދުވަހާއި ގުޅުވައިގެން މިއަދު، ޤައުމާއި މުޚާޠަބު ކުރައްވައި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވީ، މީގެކުރިން އެކަން ހިނގާފައި އޮތީ ވޯޓުން ނުވިއްޔާ، ކޯޓުން ނުވަތަ މަގުމަތިން ކަމަށެވެ. މިގޮތުން ރައީސް ޞާލިޙް ފާހަގަކުރައްވާފައި ވަނީ، ރައީސް ޔާމީނުގެ ވެރިކަމުގައި އެމަނިކުފާނު ކޯޓަށް ވަޑައިގެން ވެރިކަން ދޫކޮށް ނުލެއްވުމަށް ކުރެއްވި މަސައްކަތަށް ކަމުގައި ބެލެވެއެވެ.

ރައީސް ޞާލިޙްގެ ވާހަކަފުޅަށް ފާޑު ވިދާޅުވެ، ރައީސް މައުމޫން އެކްސްގައި ކުރެއްވި ޕޯސްޓެއްގައި ވިދާޅުވީ، 1968 ގެ ފަހުން ރާއްޖޭގެ ވެރިކަން ހުރިހާ ފަހަރަކުވެސް ބަދަލުވަމުން އައިސްފައިވަނީ ޤާނޫނީ ހަމަތަކުގެ މަތިން އަމާންކަމާއި އޮމާންކަމާ އެކު ކަމުގައި ނުހަނު އިޙްތިރާމާއި އެކުގައި ދަންނަވާ ކަމަށެވެ. 

ރައީސް މައުމޫނު މިމޭރުމުން ފާޑު ވިދާޅުވެ ނުރުހުން ފާޅު ކުރެއްވި އިރު، 1978 ވަނަ އަހަރު ރައީސް މައުމޫނު ވެރިކަމުގެ ހުވާކުރެއްވި އިރު ހަތިޔާރާއިއެކު އެމަނިކުފާނުގެ ގާތްބޭފުޅުންނާއި އެމަނިކުފާނު ހުންނެވި ކަމަށް ވިދާޅުވެ ވާހަކަފުޅު ދައްކަވާފައިވެއެވެ. އަދި ރައީސް ނާސިރު ވެރިކަން ދޫނުކުރައްވާފާނެ ކަމަށް ބައްލަވައިގެން ރައީސް މައުމޫނާއި އެމަނިކުފާނުގެ އަރިސް ބޭފުޅުން ސަރުކާރާއި ހަވާލުވެ ވަޑައިގެންނެވުމުގެ ކުރިންވެސް ގިނަ ފިޔަވަޅުތަކެއް އެޅުއްވިއެވެ.

2008 ވަނަ އަހަރު ރައީސް މައުމޫނުގެ މައްޗަށް ރައީސް ނަޝީދު ކުރި ހޯއްދެވުމުން، އެކަން ރައީސް މައުމޫނުގެ އަރިސް ބޭފުޅުންނަށް ޤަބޫލެއް ނުކުރެއްވުނެވެ. އަދި ވެރިކަމުގެ ބާރުތައް ރައީސް މައުމޫނު ހަވާލު ނުކުރައްވާފާނެ ކަމުގެ ކަންބޮޑުވުންތަކާއި އެކު ބައިނަލްއަޤުވާމީ މުޖުތަމަޢުންވެސް ރައީސް މައުމޫނުގެ ސަރުކާރަށް ފިއްތުންތައް ކުރިމަތި ކުރުވިއެވެ.

2013 ވަނަ އަހަރު، ވެރިކަމުގެ ދައުރު ހަމަވުމަށްފަހުގައިވެސް، އިތުރު 6 ދުވަހު ރައީސް ޑރ. މުހައްމަދު ވަހީދު ހަސަން މަނިކު ވެރިކަމުގައި ހުންނެވިއެވެ. އަދި އައު ރައީސަކު އިންތިޚާބު ނުކުރެވި އޮތުމާއި އެކު މަޤާމުން އިސްތިއުފާ ދެއްވުމަށް ރައީސް ޑރ. މުޙައްމަދު ވަހީދު ޙަސަން މަނިކު ދެކޮޅު ހެއްދެވިއެވެ.

2018 ވަނަ އަހަރުގެ ރިޔާސީ އިންތިޚާބު ރައީސް ޔާމީނަށް ނާކާމިޔާބުވުމުން އެމަނިކުފާނު ވަނީ އިންތިޚާބު ބާޠިލް ކުރުމަށް ސްޕްރީމްކޯޓަށްވެސް ވަޑައިގެންފައެވެ. އަދި އިންތިޚާބުގެ ނަތީޖާ ޤަބޫލުނުކޮށް ރައީސް ޔާމީނުގެ ސަޕޯޓަރުންވެސް މަގުމަތީގެ ހަރަކާތްތައްވެސް ހިންގިއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.