އެސްޓީއޯ އިޔަރއެންޑް ސޭލް 2023 މިއަދު ފަށައިފިއެވެ. 

މިސޭލް ފެށުމުގެ ގޮތުން، އެސްޓީއޯ ޕީޕަލްސް ޗޮއިސްގައި މިއަދު މެންދުރު ފަހު ވަނީ ޚާއްސަ ރަސްމިއްޔާތެއް ބާއްވާފައެވެ. މިރަސްމިއްޔާތުގައި މި ސޭލް ފައްޓަވައިދެއްވީ އެސްޓީއޯގެ ޖެނެރަލް މެނޭޖަރ މަރިޔަމް ޕަރުވީން އަބްދުލް ފައްތާހު އެވެ.

ނޮވެމްބަރު މަހުގެ 1 ން ޑިސެމްބަރު 15 ގެ ނިޔަލަށް ކުރިޔަށް ގެންދާ މި ސޭލް ކުރިޔަށްދާނީ އެސްޓީއޯ ޕީޕަލްސް ޗޮއިސް އަދި ރީޖަނަލް ފިހާރަތަކުގައި ކަމަށާއި، މި ސޭލްގެ މުއްދަތުގައި ކަނޑައެޅިފައިވާ ބައެއް މުދަލުން 80 އިންސައްތައާ ހަމައަށް ޑިސްކައުންޓާއި އަދި ބަންޑްލް އޮފަރތައްވެސް ލިބޭނެ ކަމުގައި އެސްޓީއޯއިން ވަނީ ބުނެފައެވެ. 

ކޮންމެ އަހަރަކުވެސް ފަހުކޮޅު އެސްޓީއޯއިން އިޔަރ އެންޑް ސޭލް ބާއްވައެވެ.