މިމަހުގެ 3 ވަނަ ދުވަހު ފަލަސްތީނުގެ ރައްޔިތުންނަށް އެހީވުމަށްޓަކައި ފަންޑް ރައިސިންގް އިވެންޓެއް ބޭއްވުމަށް އާބަންކޯއިން ނިންމައިފިއެވެ.

މި އިވެންޓް ކުރިއަށް ގެންދިއުމަށް ހަމަޖެހިފައިވަނީ ހަވީރު6-4 އަދި ރޭގަނޑު 10-8 އެއްގައި ސެންޓްރަލް ޕާރކްގައެވެ. 

އާބަންކޯއިން ބުނީ މި އިވެންޓްގައި ފުޑް ސްޓޯލް، ޖަމްބަލް ސޭލް އަދި ކުޑަކުދިންނަށް ހާއްސަ ތަފާތު ހަރަކާތްތައް ކުރިއަށް ގެންދެވޭނެކަމަށެވެ. އެގޮތުން މި ހަރަކާތްތައް މެދުވެރިކޮށް ލިބޭ ހުރިހާފައިސާއެއް ފަލަސްތީނުގެ ރައްޔިތުންނަށް އެހީތެރިވުމަށް ދެވިގެންދާނެކަމަށް އާބަންކޯއިން ބުނެއެވެ.

އަރބަންކޯގެ އެދުމަކީ ވީހާވެސް ގިނަ ބޭފުޅުން މި އިވެންޓްގައި ބައިވެރިވެ ފަލަސްތީނުގައި ހާލުގައި ޖެހިފައިވާ ރައްޔިތުންނަށް އެހީތެރިވުމުގައި ހިއްސާވުންކަމަށް ވަނީ ބުނެފައެވެ.