ފަލަސްތީނަށް އެހީތެރިކަން ފޯރުކޮށްދިނުމުގެ ގޮތުން ދިވެހިން ދަނީ އެކިގޮތްގޮތުން އެހީތެރިކަން ފޯރުކޮށްދެމުންނެވެ. އެގޮތުން އެތައް ހަރަކާތަކާއި އިވެންޓްތައް ހިންގާފައިވާއިރު މިހާތަނަށް އެތައް މިލިއަން ފައިސާގެ އެހީ ހޯދާފައިވެއެވެ. ހަމަ މިގޮތަށް ދިވެހި ފިލްމީ ފަންނާނުން ވެސް ވަނީ 'އިންސާނިއްޔަތަށްޓަކައި' ގެ ނަމުގައި ފަލަސްތީނަށް އެހީވުމަށް ހާއްސަ ހަރަކާތްތަކެއް ފަށާފައެވެ. މީގެތެރެއިން މިހަފްތާގައި، ކުރިއާއި ފަހުގެ ތިޔަބޭފުޅުންގެ މެދުގައި މަގުބޫލު ފިލްމުތައް ހިމެނޭ ގޮތަށް ހާއްސަ ފިލްމު ފެސްޓިވަލެއް ކުރިއަށް ގެންދިއުމަށް ވަނީ ހަމަޖެހިފައެވެ.

މި ފިލްމު ފެސްޓިވަލް އޮލިމްޕަސް އަދި ޝްވެކް ސިނަމާ (މާލެ، ހުޅުމާލެ) އަށް ބަހާލާފައި ވާއިރު ކުރިއަށް ދާނީ 29 އޮކްޓޫބަރުން 31 އޮކްޓޫބަރާއި ހަމައަށެވެ. ދެއްކުމަށް ހަމަޖެހިފައިވާ ފިލްމުތަކާއި ވަގުތުތައް ތިރީގައި މިވަނީއެވެ.

ފޮޓޯ: އޮލިމްޕަސް ސިނަމާ

ފޮޓޯ: ބައިސްކޯފް

ޝްވެކް ސިނަމާގައި ދައްކާ ފިލްމުތައް އޮގަނައިޒް ކުރަނީ ބައިސްކޯފުންނެވެ. މި ފިލްމު ފެސްޓިވަލްގައި ދައްކާ ފިލްމުތަކުގެ ޓިކެޓްތައް ވިއްކައިގެން ލިބޭ ހުރިހާ ފައިސާއެއް ހަދިޔާކުރާނީ މޯލްޑިވްސް ރެޑްކްރެސެންޓް މެދުވެރިކޮށް ފަލަސްތީނަށް އެހީވުމަށެވެ. ޓިކެޓް ބުކްކުރުމަށް ޝްވެކް ސިނަމާ އަށް ނަމަ ގުޅުއްވާނީ 9758808 އަދި އޮލިމްޕަހަށް ނަމަ ގުޅުއްވާނީ 9911000 އަށެވެ.