އިނގިރޭސިވިލާތުގައި އުޅޭ ދިވެހީން ސަމާލުވާން އިލްތިމާސްކޮށްފި

ދާހިލީ ވުޒާރާއިން ހޮނިހިރު ދުވަހު އާންމުކުރި ބަޔާނެއްގައި ބުނީ، އިނގިރޭސިވިލާތުގެ ހުޅަނގު އުތުރުގައި ހިމެނޭ ސައުތުޕޯޓުގައި ކުޑަކުދިންގެ ޑާންސް އަދި ޔޯގާ ކްލާހަކަށް ވަޅިން ހަމަލާދިނުމުގެ ހާދިސާގައި ތިން ކުޑަކުދިން މަރާލާފައިވުމާ ގުޅިގެން މުސްލިމުންނާ ދެކޮޅަށް ސިލްސިލާ މުޒާހަރާތައް ކުރަމުންދާ ކަމަށެވެ. އެހެންކަމުން، ޚާއްސަކޮށް ސައުތުޕޯޓް އަދި ސަރަހައްދާ ވަށައިގެންވާ ސަރަހައްދުތަކުގައި ދިރިއުޅޭ ދިވެހީން އިތުރަށް ސަމާލުވާން ޖެހޭނެކަމަށް، އެ ވުޒާރާއިން ނެރުނު ބަޔާނުގައި ބުނެފައިވެއެވެ.