Advertisement

އިނގިރޭސިވިލާތުގައި ކުރިޔަށްދާ މުޒާހަރާތަކުގެ ތެރެއިން، ފޮޓޯ: ރޮއިޓާސް

04 Aug 2024
ޚަބަރު
މިފްތާޙް މުޙައްމަދު

އިނގިރޭސިވިލާތުގައި ކުރިޔަށްދާ މުޒާހަރާތަކާ ގުޅިގެން ދިވެހީން ސަމާލުވާން އިލްތިމާސްކޮށްފި

އިނގިރޭސިވިލާތުގައި މިހާރު ކުރިޔަށްދާ ސިލްސިލާ މުޒާހަރާތަކާ ގުޅިގެން، އެ ގައުމުގައި ދިރިއުޅޭ ދިވެހީންނާއި، އެ ގައުމަށް ދަތުރުކުރާ ދިވެހީން ސަމާލުވުމަށް ރާއްޖޭގެ ދާހިލީ ވުޒާރާއިން އިލްތިމާސްކޮށްފިއެވެ.

ދާހިލީ ވުޒާރާއިން ހޮނިހިރު ދުވަހު އާންމުކުރި ބަޔާނެއްގައި ބުނީ، އިނގިރޭސިވިލާތުގެ ހުޅަނގު އުތުރުގައި ހިމެނޭ ސައުތުޕޯޓުގައި ކުޑަކުދިންގެ ޑާންސް އަދި ޔޯގާ ކްލާހަކަށް ވަޅިން ހަމަލާދިނުމުގެ ހާދިސާގައި ތިން ކުޑަކުދިން މަރާލާފައިވުމާ ގުޅިގެން މުސްލިމުންނާ ދެކޮޅަށް ސިލްސިލާ މުޒާހަރާތައް ކުރަމުންދާ ކަމަށެވެ. އެހެންކަމުން، ޚާއްސަކޮށް ސައުތުޕޯޓް އަދި ސަރަހައްދާ ވަށައިގެންވާ ސަރަހައްދުތަކުގައި ދިރިއުޅޭ ދިވެހީން އިތުރަށް ސަމާލުވާން ޖެހޭނެކަމަށް، އެ ވުޒާރާއިން ނެރުނު ބަޔާނުގައި ބުނެފައިވެއެވެ.

މީގެ އިތުރުން، އިނގިރޭސިވިލާތުގައި ހުންނަ ދިވެހިރާއްޖޭގެ ހައިކޮމިޝަނުން ވަރަށް ގާތުން މި މައްސަލައިގައި ކަން ހިނގާ ގޮތް ބަލަމުން އަންނަ ކަމަށާއި، ދާހިލީ ވުޒާރާގެ އެދުމަކީ، ހުރިހާ ބޭފުޅުން ވެސް ވަރަށް ބޮޑަށް ފަރުވާތެރިވެ، އަބަދުވެސް އެންމެ ފަހުގެ މައުލޫމާތު ހޯދާ، އަމިއްލަ ރައްކާތެރިކަމަށް އިސްކަން ދިނުން ކަމަށް ހާމަކޮށްފައިވެއެވެ.

މި މުޒާހަރާތަކާ ގުޅިގެން އެއްވެސް ބާވަތެއްގެ ކޮންސިއުލަރ އެހީތެރިކަމެއް ބޭނުންވާ ނަމަ، ހައިކޮމިޝަންގެ ނަމްބަރު (44)02072242135 އަށް ގުޅުމަށް ނުވަތަ [email protected] އަށް އީމެއިލް ކުރުމަށް ހާރިޖީ ވުޒާރާއިން ނެރުނު ބަޔާނުގައި ބުނެފައިވެއެވެ.

ސައުތުޕޯޓުގައި މިދިޔަ ހޯމަ ދުވަހު ދިން ހަމަލާގައި ތިން ކުދިން މަރާލުމުގެ އިތުރުން، އަށް ކުޑަކުދިންނާއި ދެ މީހުން ވަނީ ޒަހަމްކޮށްލާފައެވެ. އެ ހަމަލާ ދިނީ މުސްލިމެއް ކަމަށް މުޒާހަރާގެ ބައިވެރިން ގޮވަމުން ދިޔަ ނަމަވެސް، ޕޮލިހުން ހާމަކޮށްފައިވާ ގޮތުގައި އެ ހަމަލާގައި ތުހުމަތު ކުރެވެނީ، ކާޑިފް އަށް އުފަން، އުމުރުން 17 އަހަރުގެ އެކްސެލް ރުޑަކުބާނާ އަށް ކަމަށެވެ.  

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.