ފަލަސްޠީނުގެ މިނިވަންކަމަށް ގޮވާލައި މިސްރުގެ ރައްޔިތުން ތަހްރީރް މައިދާނަށް ނުކުމެއްޖެ
މިސްރުގެ ވެރިރަށް ޤާހިރާގެ މެދުތެރޭގައިވާ ތަހްރީރު މައިދާނަކީ، ރައްޔިތުން ނުކުމެ އިހްތިޖާޖުތައްކޮށް މިސްރަށް އިންޤިލާބީ ބޮޑު ބަދަލުތައް ގެނުވި މައިދާނެކެވެ. 2013 ވަނަ އަހަރުގެ ފަހުން ތަހްރީރް މައިދާނުގައި އެއްވުންތައް ބޭއްވުމަށް މިސްރު ސަރުކާރުން ފުރުޞަތެއް ނުދެއެވެ. އެހެންކަމުން ސަރުކާރުން އަޅާފައިވާ ފިޔަވަޅުތައް މުގުރާލައި، މިސްރުގެ އާއްމު ރައްޔިތުން ފާއިތުވި 10 އަހަރުގެ ތެރޭގައި ތަހްރީރް މައިދާނަށް އެއްވި މިއީ ފުރަތަމަ ފަހަރެވެ.
