އަމިއްލަ މަތިންދާ ބޯޓު، ގަސްދުގައި ވައްޓާލުމަށް މީހަކު ނެތި އެބޯޓު ވައިގެތެރެއަށް ދޫކޮށްލާފައި ފުންމާލި ޔޫޓިއުބަރަކަށް 20 އަހަރުގެ ޖަލުހުކުމަކާއި ކުރިމަތިލާންޖެހިއްޖެއެވެ.

އެމެރިކާގެ ޔޫޓިއުބަރެއް ކަމަށްވާ ޓްރެވާ ޑެނިއަލް ޖެކޮބް، (29އ) މަސައްކަތްކޮށްފައި ވަނީ، އޭނާ ދަތުރުކުރި މަތިންދާބޯޓު އިންޖީނަށް މައްސަލަދިމާވެގެން ވެއްޓުނީކަން ދެއްކުމަށެވެ. އެހެން ނަމަވެސް އެއީ ހާދިސާއެއް ނޫންކަމާއި، ދުރާލާ ރާވައިގެން ކުރިކަމެއް ކަމަށް މިހާރު އޭނާ ވަނީ ޢިއުތިރާފްވެފައިވާކަމުގައި، އެމެރިކާގެ ފެޑެރަލް ޕްރޮސެކިއުޓަރުން ބުރާސްފަތި ދުވަހު ވަނީ ވިދާޅުވެފައެވެ. އަދި ޖެކޮބް އޭނާގެ މައްޗަށް ކުރާ ދަޢުވާތަކަށް އިޢުތިރާފްވެފައި ވާތީ އޭނާއަށް ޖުމުލަ 20 އަހަރުގެ ޖަލު ޙުކުމަކާއި ކުރިމަތިލާންޖެހޭނެ ކަމުގައި، އެމެރިކާގެ ފެޑެރަލް ޕްރޮސެކިއުޓަރުން ވިދާޅުވިއެވެ.

ނޮވެމްބަރު 24، 2021 ގައި ޖެކޮބް އޭނާގެ އަމިއްލަ މަތިންދާބޯޓުގައި ލޮމްޕޮކް ސިޓީ އެއާޕޯޓުން ފުރީ މަމޮތު ލޭކްސްއަށް ދަތުރުކުރާކަމަށް ބުނެއެވެ. އެއް އިންޖީނު އެޅި އެ ކުޑަ ފްލައިޓްގައި، ޖެކޮބް ހުރީ ކެމެރާތައްވެސް ހަރުކޮށްފައެވެ. 

Advertisement

ޖެކޮބް އޭނާގެ އަމިއްލަ މަތިންދާބޯޓުގައި ލޮމްޕޮކް ސިޓީ އެއާޕޯޓުން ފުރިތާ ގާތްގަނޑަކަށް 35 މިނެޓު ފަހުން، ލޮސް ޕެޑްރެސް ނޭޝަނަލް ފޮރެސްޓްގެ މަތިން ޖެކޮބް ވަނީ މަތިންދާބޯޓު ދޫކޮށްލައި ފުންމާލާފައެވެ. އަދި އޭނާ ވައިކުޑައިގައި ފައިބާ މަންޒަރުތައް އަމިއްލައަށް ވީޑިއޯ ކުރުމުގެ އިތުރުން އޭނާ ވަނީ، ފްލައިޓް މީހަކު ނެތި ދަތުރުކޮށް ވެއްޓޭ މަންޒަރުވެސް ވީޑިއޯކޮށްފައެވެ. އަދި އެވީޑިއޯތައް އޭނާގެ ޔޫޓިއުބް ޗެނަލްގައި މިހާރުވެސް ފެންނަން އެބަހުއްޓެވެ. އެވީޑިއޯ އޭނާ ޓައިޓްލްކޮށްފައި ވަނީ، އޭނާގެ މަތިންދާ ބޯޓު ވެއްޓުނީ ކަމަށެވެ.

މަތިންދާބޯޓު ވެއްޓުނު ކަން ނޭޝަނަލް ޓްރާންސްޕޯޓް ސޭފްޓީ ބޯޑް (އެންޓީއެސްބީ) އަށް ޖެކޮބް އެންގީ ނޮވެމްބަރު 26، 2021 ގަ އެވެ. ބޯޓު ވެއްޓުނު ހާދިސާގެ ތަހުގީގަށް ޖެކޮބްއަށް ނޭޝަނަލް ޓްރާންސްޕޯޓް ސޭފްޓީ ބޯޑް ބޯޓުގެ ބައިތައް ހޯދުމަށެވެ. އެހެން ނަމަވެސް ބޯޓު ވެއްޓު ލޮކޭޝަން ނޭނގޭކަމަށް ބުނެ އޭނާ ވަނީ، ނޭޝަނަލް ޓްރާންސްޕޯޓް ސޭފްޓީ ބޯޑް (އެންޓީއެސްބީ)އަށް ދޮގު މައުލޫމާތު ދީފައެވެ. އަދި ފަހުން އޭނާވަނީ އިިތުރު ރަހްމަތްތެރިއެއްގެ އެހީގެ ހެލިކޮޕްޓަރެއްގައި ބޯޓު ވެއްޓުނު ސަރަހައްދަށް ގޮސް، ބޯޓުގެ ބައިތައް ނަގައިގެން ލޮމްޕޮކް ސިޓީ އެއާޕޯޓުންގެ ހެނގަރަށް ގެންގޮސް ބޯޓު ނައްތާލަން މަސައްކަތްކޮށްފައެވެ.

މިކަމާއި ގުޅިގެން ފެޑެރަލް އޭވިއޭޝަން އެޑްމިނިސްޓްރޭޝަން އިން ވަނީ، ޖެކޮބްގެ ލައިސަންސްވެސް ހިފަހައްޓާފައެވެ.