Advertisement

ފޮޓޯ: ސޯޝަލް މީޑިއާ

09 Oct 2023
ޚަބަރު

ވެރިކަން ބަދަލުވާ މި ދަނޑިވަޅުގައި ވަޒީފާތައް ދިނުން މަޑުޖައްސާލުމަށް އަންގައިފި

ވެރިކަން ބަދަލުވުމުގެ މަރުޙަލާގައި ކޮންމެހެން ބޭނުންވާ މަޤާމްތައް ފިޔަވައި އެހެން މަޤާމްތަކަށް މީހުން އައްޔަން ނުކުރުމަށް ސިވިލް ސަރވިސް ކޮމިޝަނުން އަންގައިފިއެވެ. ސިވިލް ސަރވިސް ކޮމިޝަނުން މިފަދައިން އަންގާފައިވަނީ ރިޔާސީ އިންތިޚާބާ ގުޅިގެން ވެރިކަން ބަދަލުވުމުގެ މަރުޙަލާގެ މަސައްކަތްތައް އޮމާންކަމާއެކު ކުރިއަށްގެންދިއުމަށް ޖާގަދިނުމުގެ ގޮތުންނެވެ.

ސިވިލް ސަރވިސް ކޮމިޝަނުން އިދާރާތަކަށް ފޮނުވި ސަރކިއުލާގައި ވަނީ މަޤާމުތަކަށް އިޢުލާންކުރުމާއި، ވަޒީފާތަކަށް މުވައްޒަފުން ހަމަޖެއްސުމާއި، މަޤާމުގެ ކުރިއެރުން ދިނުމާގުޅޭ މަސައްކަތްތައް ކުރިޔަށްގެންދިއުމުގެ އިތުރަށް އިދާރާތަކުގެ އިދާރީ އޮނިގަނޑު އެކުލަވާލުމުގައި އަމަލުކުރަންވީ ގޮތް އަންގަވާފައެވެ.

ޓީޗަރުންނާއި ޑޮކްޓަރުންނާއި ނަރުހުންނާއި، މުދިމުންނާއި އިމާމުންގެ މަޤާމުތަކަކ،ީ އެ ޚިދުމަތްތައް މެދުނުކެނޑި ކޮންމެހެން ފޯރުކޮށްދިނުމަށް ބޭނުންވާ މަޤާމުތަކަކަށްވާތީ އެ މަޤާމުތަކަށް މިހާރުވެސް ކަނޑައެޅިފައިވާ އުޞޫލުތަކުގެ ތެރެއިން މުވައްޒަފުން ހަމަޖެއްސުމުގެ މަސައްކަތް ކުރިއަށްގެންދެވޭނެކަމަށް އެ ކޮމިޝަނުން ވަނީ ވިދާޅުވެފައެވެ. އަދި އެނޫން މަޤާމްތަކަށް މީހުން ބޭނުންވާނަމަ، ބޭނުންވާ ސަބަބު އަންގާ ހުއްދަ ހޯދުމަށްފަހު އިޢުލާންކުރުމަށް ސިވިލް ސަރވިސް ކޮމިޝަނުން ވަނީ އަންގަވާފައެވެ.

ސީ.އެސް.ސީން ވަނީ މިހާތަނަށް އިޢުލާންކޮށްފައިވާ މަޤާމުތަކުގެ ތެރެއިން ވަޒީފާގެ ހުށަހެޅުން ދީފައިނުވާ މަޤާމުތަކަށް ވަޒީފާ ހަމަޖެއްސުން މަޑުޖައްސައިލުމަށްވެސް އަންގަވާފައެވެ. މީގެ އިތުރުން އިދާރީ އޮނިގަނޑު މުރާޖައާކުރުމާއ،ި އައު މަޤާމުތައް އުފެއްދުމާއި، އިދާރީ އޮނިގަނޑަށް އަލަށް ދެވިފައިވާ މަޤާމުތަކަށް މީހުން ހޯދުން މަޑުޖައްސައިލުމަށްވެސް އެކޮމިޝަނުން ވަނީ އަންގަވާފައެވެ.

އިންޓަރނަލީ އިޢުލާންކޮށްގެން ވަޒީފާގެ ކުރިއެރުން ދިނުމަށް ހަމަޖެހިފައިވާ އޮނިގަނޑުތަކުގެ މަޤާމުތަކަށް މިހާތަނަށްކޮށްފައިވާ އިޢުލާންތަކާ ގުޅިގެން ކުރިއެރުންދިނުން މަޑުޖައްސައިލުމަށާއި، އެކި އިދާރާތަކަށް ކޮންޓްރެކްޓް، ވޭޖް އަދި ކޮންސަންޓެންސީ އުޞޫލުން މީހުން ނެގުން މަޑު ޖައްސާލުމަށްވެސް ސަރުކާރުގެ އިދާރާތަކަށް ސިވިލް ސަރވިސް ކޮމިޝަނުން ވަނީ އަންގާފައެވެ.  

ކޮމެންޓް
އިތުރު އާޓިކަލް
06 Apr 2025
ޚަބަރު
ޝަރީއަތް ނިމެންދެން ޝަމްޢާން ބަންދުކޮށްފި
ފުލުހުން ކޯޓު އަމުރެއްގެ ދަށުން ޝަމްޢާން ހައްޔަރުކޮށްފައި ވަނީ 22 މާރިޗު 2025 ގައެވެ. އޭނާގެ މައްޗަށް ތުހުމަތުކޮށްފައި ވަނީ އިމިގްރޭޝަންގެ މުވައްޒަފުންތަކަކާއި ގުޅިގެން، ބިދޭސީ މަސައްކަތްތެރިންގެ އަތުން ނާޖާއިޒް މަންފާ ހޯދާކަމުގެ ތުހުމަތެވެ. އަދި އެމައްސަލަ އާއި ގުޅިގެން ޝަމްޢާން ދިރިއުޅޭ ގެ ބަލައި ފާސްކުރިއިރު އެގެއިން ބައިމިލިޔަނަށްވުރެ ގިނަ ރުފިޔާ ފެނިފައިވާކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ.
06 Apr 2025
ޚަބަރު
ގއ ވިލިނގިއްޔަށް އެތެރެކުރަން އުޅުނު މަސްތުވާތަކެތި އަތުލައިގެންފި
ފުލުހުންގެ އިދާރާއިން ވިދާޅުވީ، މި މަހު 4 ވަނަ ދުވަހު ހިންގި މި އޮޕަރޭޝަނަކީ މާލެއިން ފުރައިގެން ވިލިނގިއްޔަށް ދަތުރުކުރަމުންދާ ބޯޓަކުން ވިލިނގިއްޔަށް މަސްތުވާތަކެތި އެތެރެކުރަން އުޅޭކަމަށް އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއް ކަމަށެވެ. މި އޮޕަރޭޝަނުގައި، އެ ބޯޓު ވިލިނގިލީ ބަނދަރާ ގާތްކުރުމުން ކޯޓު އަމުރެއްގެ ދަށުން އެ ބޯޓު ބަލައިފާސްކުރިއިރު މަސްތުވާތަކެތިކަމަށް ބެލެވޭ އެއްޗެއްހުރި ބޮޑު ރަބަރު ޕެކެޓެއް ފެނިފައިވާ ކަމަށާއި، އެ ތަކެތީގެ ވަގުތީ ބަރުދަނަކީ 231 ގްރާމްކަމުގައި ފުލުހުންގެ އިދާރާއިން ވިދާޅުވިއެވެ.
06 Apr 2025
ޚަބަރު
ބްރޯޑްކޮމްގެ މެމްބަރުކަމުގެ މަޤާމަށް ހުޅުވާލައިފި
މޯލްޑިވްސް ބްރޯޑްކާސްޓިންގ ކޮމިޝަނުގެ މެންބަރުކަމަށް ކުރިމަތިލުމަށް އެދޭ ފޯމާއި، އިޤްރާރާއި، ކުށާއި ދަރަނީގެ ރެކޯޑު ފޯމު ބަލައިގަތުމަށް ހަމަޖެހިފައިވަނީ، މިކަމަށް ކުރިމަތިލުމަށް ދީފައިވާ މުއްދަތުގައި، ރަސްމީ ބަންދުދުވަސްތައް ފިޔަވައި، އެހެން ދުވަސްދުވަހުގެ ހެނދުނު 08:30 އިން މެންދުރު 12:00 އަށް ރައީސުލްޖުމްހޫރިއްޔާގެ އޮފީހުން ކަމުގައިވެސް އެ އޮފީހުން ވަނީ ވިދާޅުވެފައެވެ.
06 Apr 2025
ޚަބަރު
ޑެޕިއުޓީ މިނިސްޓަރު ޝާފިއު އިސްތިއުފާ ދެއްވައިފި
މަޤާމުން އިސްތިއުފާ ދެއްވައި ޝާފިޢު ކުރެއްވި ޕޯސްޓުގައި ވިދާޅުވީ، ކަންކަން ހައްލުކޮށްދެއްވާނެ ކަމުގެ އުއްމީދުގައި މިއަދުން ފެށިގެން މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ނައިބުގެ މަގާމުން އޭނާ އިސްތިއުފާ ދެއްވާފައިވާ ކަމަށެވެ.