Advertisement

މާޓިނެލީ ގޯލް ޖެހުމަށްފަހު / ފޮޓޯ: ސްޕޯޓްސް ނިއުސް

08 Oct 2023
ކުޅިވަރު

އެމިރޭޓްސްގައި ސިޓީގެ ރިހޭ ފައި މައްޗަށް ފޮއި، ތަފާތު ދެއްކީ މާޓިނެލީ

އަނިޔާއާ ހެދި ސެޕްޓެމްބަރު މަހުން ފެނިގެން 5 މެޗުގައި ނުކުޅެ ހުރުމަށްފަހު، މެންޗެސްޓަރ ސީޓީއާ ދެކޮޅަށް އެމިރޭޓްސް ސްޓޭޑިއަމްގައި އާސެނަލް ބައްދަލު ކުރިމެޗުގެ ފަހު ހާފްގައި ކުޅެން ނިކުތް ގެބްރިއަލް މާޓިނެލީ އާސެނަލްއަށް އެތައް ގޮތަކުން މުހިންމު މޮޅެއް ހޯދައިދީފިއެވެ. ކުޅެން ނިކުތުމަށްފަހު މާޓިނެލީ ވަނީ އާސެނަލްގެ ފޯވާޑުންނަށް ގޯލު ޖެހުމަށް ނުރައްކާތެރި ފުރުސަތުތައް ފަހިކޮށްދީ، ސިޓީގެ ޑިފެންޑަރުން ވަރުބަލިކޮށްލާފައެވެ.

އާސެނަލްއަށް މެންޗެސްޓަރ ސިޓީ ލީގުގައި ބަލި ނުކުރެވޭތާ 8 އަހަރު ވެފައިވާއިރު، އެކަން ނިމުމަކަށް ގެނަސްދިނީ މެޗުގެ 86 ވަނަ މިނެޓުގައި މާޓިނެލީ ޖެހި ގޯލުންނެވެ. އާސެނަލްގެ ވާތް ފަރާތު އަރިމަތިން އުފެއްދި މި ހަމަލާ މާޓިނެލީ ކާމިޔާބުކުރަން މަސައްކަތް ކުރީ ދުރު ކަނަށް ފޮނުވާލައިގެންނެވެ. ނަމަވެސް ސިޓީގެ ޑިފެންޑަރ އަކޭގެ މޫނުމަތީގައި ޖެހިފައި ބޯޅަ ދިޔައީ މާޓިނެލީއާ ކައިރިޔަށް ވީ ކަނަށެވެ. އޭރު ސިޓީގެ ކީޕަރ އެޑަސަން އަނެއްފަރާތަށް ދިއުމަށް ހަރަކާތް ކޮށްފައިވުމުން، ބޯޅަ ދިޔަ ދިމާލަށް ރަގަޅަށް ހަރަކާތްތެރި ނުވެވުނީއެވެ

އާސެނަލްގެ މި މޮޅަކީ ޕްރިމިއަ ލީގުގައި ޖެހިޖެހިގެން 12 މެޗުގައި ސިޓީ އަތްދަށުވެފައި ވަނިކޮށް، އެކަން ބަދަލު ކޮށްލި މުހިންމު މެޗެވެ. އަދި އާސެނަލް މި ސީޒަންގައި ބަލިވެފައި ނުވާއިރު، އެ ޓީމު މިހާރު އޮތީ ޓޮޓެންހަމްއާއެކީ ތާވަލުގެ އެއް ވަނައިގައެވެ

މިއީ އާސެނަލްގެ ކޯޗު މިކާއިލް އާޓެޓާއަށް ވެސް ތާރީޙީ މޮޅެކެވެ. އޭނާގެ ކޯޗިން ކެރިއަރުގައި ޕްރިމިއަލީގުގައި މިހާތަނަށް ކުރިމަތިލި 24 ޓީމުގެ ތެރެއިން، ހަމައެކަނި ބަލިނުކުރެވި އޮތް ސިޓީ މިރޭ ބަލިކުރެވުނީއެވެ.

ފަހުގެ ޗެމްޕިއަން ސިޓީއަށް މިއީ ލީގުގެ ދެވަނަ ބައްޔެވެ. ސިޓީ މި ސީޒަނުގައި ފުރަތަމަ ބަލިވީ މިދިޔަ ހަފްތާއެވެ، އެއީ ވޫލްސް އަތުންނެވެ. މިއީ 2018 ޑިސެމްބަރުގެ ފަހުން ޖެހިޖެހިގެން ދެ މެޗުން ސިޓީ ބަލިވި ފުރަތަމަ ފަހަރެވެ. އަދި މެޗުގައި ޖުމްލަ 4 ޝޮޓާއެކު މިއީ ގާޑިއޯލާ ހަވާލުވިފަހުން އެންމެ މަދުން ޝޮޓު ހެދުނު މެޗެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.