Advertisement
ދައުލަތުގެ ލޯ ލާރިއެއްގައިވެސް ނުޖެހެން: ރައީސް
ދައުލަތުގެ ލޯ ލާރިއެއްގައި ވެސް ޖެހިފައި ނޯންނާނެ ކަމުގެ ޔަގީންކަން 2 ވަނަ ދައުރަކަށް ކުރިމަތިލައްވާފައިވާ ރައީސް އިބްރާހިމް މުހައްމަދު ސޯލިހު ރޭ ދެއްވައިފި އެވެ.
ރައީސް މިހެން ވިދާޅުވީ، އެމްޑީޕީއިން މާފަންނުގައި ބޭއްވި ކަންމަތީ ޖަލްސާއެއްގައި ވާހަކަދައްކަވަމުންނެވެ. ރައީސް ވިދާޅުވީ އެމަނިކުފާނު ދައުލަތުގެ ފައިސާގައި ޖެހިފައިވޭތޯ މިހާރުވެސް އަދި ވެރިކަމުން ފައިބާވަޑައިގަތުމުންވެސް ބަލަންވީކަމަށެވެ. ނަމަވެސް ރައްޔިތުންނަށް ދެއްވާ ޔަޤީންކަމަކީ ކޮރަޕްޝަނަށް ތުޙުމަތު ކުރާނެ އެފަދަ އެއްވެސް ކަމެއް ކުރައްވާފައި ނޯންނާނެކަންކަމަށް ރައީސް ވިދާޅުވިއެވެ. އަދި އެއްވެސް ކަމެއް ސާފުކުރަންވެސް ބޭނުންވާނަމަ، އެންޓި ކޮރަޕްޝަން ކޮމިޝަން، އޭސީސީއަށް ހުށައަޅުއްވައިގެންވެސް ކުރިއަށްގެންދަންވީކަމަށް ރައިސް ވިދާޅުވިއެވެ.
"ޢަމާޒަކަށްވީ ރައްޔިތުންނަށް ޚިދުމަތް ކުރުން އެކަނި. ދަޢުތަކުގެ ލޯ ލާރިއެއްގައިވެސް ނުޖެހޭނެކަމުގެ ޔަގީންކަން ދެން. މިއަދުވެސް ބަލަންވީ، ވެރިކަމުން ފޭބީމަވެސް ބަލަންވީ. ތުޙުމަތު ކުރާނެ ކަމެއްވެސް ނޯންނާނެ." ރައީސް ވިދާޅުވިއެވެ.
Advertisement
ރައީސް ރޭ ދެއްކެވި ވާހަކަފުޅުގައި ވަނީ ދެވަނަ ބުރުގައި ވޯޓު ލާން ރީ-ރެޖިސްޓްރީ ކުރި މީހުންގެ އަދަދު އިތުރުވާތީ އިދިކޮޅުން ސުވާލު އުފާއްދާތީ އެކަމަށް ވެސް ރައްދު ދެއްވައިފަ އެވެ. މިއީ ފުރަތަމަ ބުރުގައި އެކި ސަބަބުތަކާ ގުޅިގެން ވޯޓު ނުލާ ތިބި މީހުން، އެމްޑީޕީގެ މަސައްކަތުން ހޯދާފައި ކަމަށް ރައީސް ވިދާޅުވި އެވެ.
ރައީސް ވަނީ، އިދިކޮޅުން ކަންބޮޑުވުން ފާޅުކުރަނީ އެ ކަން އެނގޭތީ ކަމަށް ވިދާޅުވެ ފުރަތަމަ ބުރު ނިމިގެން ދިޔައިރު ވެސް ސުވާލެއް އުފައްދާފައިނުވަނީ ކީއްވެތޯ ސުވާލުކުރައްވައިފަ އެވެ.
