Advertisement

މާފުށި ކައިރިން ހިއްކި ބިން ---- ފައިލް ފޮޓޯ

15 Sep 2023
ޚަބަރު

މާފުށިން ގޯތި ލިބުނު މީހުންނަށް ގޯތި ލިބޭ ތަން ކަނޑައެޅުން ބުރާސްފަތި ދުވަހު

ކ.މާފުށިން ގޯތި ލިބޭ ފަރާތްތަކަށް، ގޯތި ލިބޭ ތަން ކަނޑައެޅުމަށް ބާއްވާ ގުރުއަތު ނެގުން އަންނަ ބުރާސްފަތިދުވަހު ބޭއްވުމަށް ނިންމަވައިފިއެވެ.

ކ.މާފުށިން ގޯތި ލިބުނު މީހުންގެ ދާއިމީ ލިސްޓް ވަނީ މިމަހުގެ 7 ވަނަ ދުވަހު ގެޒެޓްކޮށްފައެވެ. މި ލިސްޓުގައިވާ ގޮތުން 308 ގޯތި ދޫކުރާނެއެވެ.

މާފުށި ކައުންސިލުން ވިދާޅުވީ ދެން އޮންނާނީ ގޯތިތައް ލިބުނު މީހުންނަށް، ގޯތި ދޭ ތަން ކަނޑައެޅުންކަމަށެވެ. ކައުންސިލުން ވިދާޅުވީ ގުރުއަތުލުން އޮންނާނީ ބުރާސްފަތިދުވަހުގެ ހަވީރު 4:00 ގައި މާފުށީ ސްކޫލްގައި ކަމަށެވެ.

މާފުށި ކައުންސިލުން ވަނީ ގުރުއަތުގައި ބައިވެެރިވުމަށް ގޯތި ލިބިފައިވާ މީހުންގެ ދާއިމީ ލިސްޓުގައި ހިމެނޭ މީހުން ނުވަތަ ބަދަލުގައި އެހެން މީހަކު ފޮނުވަން އިލްތިމާސްކޮށްފައެވެ. އަދި ގޯތި ލިބުނު މީހާގެ ބަދަލުގައި މީހަކު ފޮނުވާނަމަ އެމީހާގެ ފުރިހަމަ މަޢުލޫމާތާއި ގުޅޭނެ ނަމްބަރު ގުރުއަތުލުން ބޭއްވުމުގެ އެއްދުވަސް ކުރިން ކައުންސިލަށް އެންގުމަށް ވަނީ އެދިފައެވެ.

ކައުންސިލުން ވިދާޅުވީ ގުރުއަތުލުމުގައި ބައިވެރިނުވެވޭ މީހުން ތަމްސީލުކުރާނީ ގުރުއަތު ކޮމިޓީގެ ފަރާތުން ކަނޑައަޅާ އެކޮމިޓީގެ މެމްބަރެއްކަމަށެވެ. މާފުށިން ދޫކުރުމަށް ހަމަޖެހިފައިވާ 308 ގޯއްޗަކީ 2000 އަކަފޫޓުގެ ގޯތިތަކެކެވެ.

މާފުށި ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ ހައްލު ކޮށްދެއްވުމަށް މި ސަރުކާރުން ވަނީ އެ ރަށުގެ ފަޅުން 25 ހެކްޓަރުގެ ބިން ހިއްކާފައެވެ. މާފުއްޓަކީ ލޯކަލް ޓޫރިޒަމް ވަރަށް ބޮޑަށް ފުޅާވެފައިވާ ރަށަކަށް ވުމުގެ ސަބަބުން ބިމުގެ މުހިންމުކަން އެރަށައް ވަނީ ބޮޑުވެފައެވެ.   

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.