ކުރިން ހެންވެއިރު މެރިން ޑްރީމްގައި ބަހައްޓާފައި ހުރި ބޭންކް އޮފް މޯލްޑިވްސްގެ ޔޫ. އެސް. ޑޮލަރ އޭ. ޓީ. އެމް. ތައް މާފަންނު ސްޓަރ ކްލައުޑްސް އަށް ބަދަލުކޮށްފިއެވެ. އެ ބޭންކުން ހާމަ ކޮށްފައިވާ ގޮތުގައި މި ބަދަލު ގެނައީ 2023 އެޕްރީލް 29 ވަނަ ދުވަހުން ފެށިގެންނެވެ.

މި ބަދަލާއިއެކު މިހާރު ސްޓަރ ކްލައުޑްސްގައި ހުރި އޭ. ޓީ. އެމް. ތަކުން ކުރެވޭނީ ހަމައެކަނީ ޔޫ. އެސް. ޑޮލަރ މުއާމަލާތްތަކެވެ. މީގެ ކުރިން އެ އިމާރާތުގައި ހުރީ ހަމައެކަނި ދިވެހި ރުފިޔާގެ މުއާމަލާތްކުރެވޭ އޭ. ޓީ. އެމް. އެވެ.

ބޭންކް އޮފް މޯލްޑިވްސް އިން އޭ. ޓީ. އެމް. މެދުވެރިކޮށް ޔޫ. އެސް. ޑޮލަރގެ މުއާމަލާތްކުރެވޭ ގޮތަށް ހަމަޖެއްސީ 2014 ޑިސެމްބަރ ގައެވެ. އަދި ހަމައެކަނި ޔޫ. އެސް. ޑޮލަރ އަށް ހާއްސަކޮށް އޭ. ޓީ. އެމް. ސެންޓަރެއް އެ ބޭންކުން ތައާރަފްކުރީ 2017 ފެބްރުއަރީ 18 ވަނަ ދުވަހުއެވެ. 

Advertisement