އަރަބި ޗެމްޕިއަންސް ކަޕް ގައި އަލް-ނަސްރް އަދި އަލް-ހިލާލް ބައްދަލުކުރި މެޗު, އިތުރު ވަގުތު ރޮނާލްޑޯ ކާމިޔާބުކުރި ގޯލަކުން އަލް-ނަސްރް ކާމިޔާބު ކޮށްފިއެވެ. އަލް-ނަސްރް މި މެޗު ކާމިޔާބުކުރީ 2-1 ގެ ނަތީޖާއަކުންނެވެ.

މެޗުގައި ފުރަތަމަ ލީޑު ނެގީ އަލް-ހިލާލް އިންނެވެ. އެ ޓީމުގެ ބްރެޒިލް ފޯވާޑް މައިކަލް މި ގޯލު ކާމިޔާބުކުރީ މެޗުގެ 51 ވަނަ މިނެޓުގައެވެ. އަދި މި ގޯލް ކާމިޔާބު ކުރުމަށްފަހު އޭނާ ވަނީ ރޯނާލްޑީގެ ކުރިމަތީގައި އޭނާގެ 'ސިއޫ" ގޯލް ސެލެބްރޭޝަން ޕަރފޯމްކޮށްފައެވެ.

އަލް-ނަސްރް އިން މެޗުގެ ސްކޯރ ހަމަހަމަ ކުރީ 74 ވަނަ މިނެޓުގައި ރޮނާލްޑޯ ކާމިޔާބުކުރި ގޯލަކުންނެވެ. މިއީ އަލް-ހިލާލްގެ ކުޅުންތެރިއަކަށް ރަތްކާޑު ދެއްކިތާ 3 މިނެޓުފަހުން ރޮނާލްޑޯ ކާމިޔާބު ކުރި ގޯލެކެވެ.

Advertisement

މެޗު ކާމިޔާބު ކުރި ގޯލު, މެޗުގެ 98 ވަނަ މިނެޓުގައި ކާމިޔާބުކޮށްދިނީ އަނެއްކާ ވެސް ރޮނާލްޑޯއެވެ.

މިއީ ރޮނާލްޑީ ސައުދީ ޕްރޯ ލީގަށް ބަދަލުވިފަހުން ކާމިޔާބުކުރި ފުރަތަމަ ތައްޓެވެ.