ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ހުޅުވާލާފައިވާ “މެރިޓް ބޭސްޑް އިންޖިނިއަރިން ސްކޮލާޝިޕް” އަށް ޝައުގުވެރިވާ ފަރާތްތަކަށް މަޢުލޫމާތު ދިނުމަށް ޚާއްޞަ ސެޝަންތަކެއް ބޭއްވުމަށް ވަނީ ހަމަޖެހިފައެވެ.

ސްޓެލްކޯގެ ޓްރެއިނިންގ ރޫމްގައި (ފަސްވަނަ ފަންގިފިލާ) 2025 އޭޕްރީލް 24 ވާ ބުރާސްފަތި ދުވަހުގެ ހެނދުނު 11:00 އިން 12:00 އަށް ވޯކް-އިން އިންފޮމޭޝަން ސެޝަން ބޭއްވުމަށް ވަނީ ހަމަޖެހިފައެވެ. މި ސެޝަންގައި ސްކޮލާޝިޕްތަކާ ގުޅޭ ހުރިހާ މަޢުލޫމާތެއް ދެވޭނެކަމަށް ސްޓެލްކޯއިން މަޢުލޫމާތު ދެއެވެ.

މީގެ އިތުރުން، އެ ދުވަހުގެ މެންދުރުފަހު 13:00 އިން 14:00 އަށް އޮންލައިން އިންފޮމޭޝަން ސެޝަނެއްވެސް ބޭއްވުމަށް ވަނީ ހަމަޖެހިފައެވެ. އޮންލައިން ސެޝަންގައި ބައިވެރިވާން ބޭނުންވާ ފަރާތްތަކުން [email protected] އަށް އީމެއިލް ކުރުމުން، މީޓިންގ ލިންކު ހިއްސާކުރެވޭނެ ކަމަށް ސްޓެލްކޯއިން ބުނެއެވެ.

ސްޓެލްކޯގެ “މެރިޓް ބޭސްޑް އިންޖިނިއަރިން ސްކޮލާޝިޕް” އަކީ އިންޖިނިއަރިންގ ދާއިރާއިން މަތީ ތަޢުލީމު ހާސިލުކުރަން ބޭނުންވާ ދިވެހި ދަރިވަރުންނަށް ހުޅުވާލެވިފައިވާ ފުރުޞަތެކެވެ. މި ސްކޮލާޝިޕްގެ އިތުރު މަޢުލޫމާތު https://stelco.com.mv/scholarships އިން ލިބެން ހުންނާނެ ކަމަށް ސްޓެލްކޯއިން ބުނެއެވެ. ސްޓެލްކޯގެ “މެރިޓް ބޭސްޑް އިންޖިނިއަރިން ސްކޮލާޝިޕް” އަކީ އިންޖިނިއަރިންގ ދާއިރާއިން މަތީ ތަޢުލީމު ހާސިލުކުރަން ބޭނުންވާ ދިވެހި ދަރިވަރުންނަށް ހުޅުވާލެވިފައިވާ ފުރުޞަތެކެވެ. މި ސްކޮލާޝިޕްގެ އިތުރު މަޢުލޫމާތު https://stelco.com.mv/scholarships އިން ލިބެން ހުންނާނެ ކަމަށް ސްޓެލްކޯއިން ބުނެއެވެ.

ސްޓެލްކޯއިން މިފަދަ ސްކޮލާޝިޕް ފުރުޞަތުތައް ހުޅުވާލުމަކީ، ޤައުމުގެ ކަރަންޓުގެ ޚިދުމަތް ފޯރުކޮށްދިނުމުގައި ބޭނުންވާ ފަންނީ މީހުން އުފެއްދުމަށް ކުރެވޭ މުހިންމު މަސައްކަތެކެވެ. މި ސްކޮލާޝިޕް ފުރުޞަތުތަކުގެ ސަބަބުން، ގިނަ ދިވެހި ދަރިވަރުންނަށް އިންޖިނިއަރިންގ ދާއިރާއިން މަތީ ތަޢުލީމު ހާސިލުކުރުމުގެ ފުރުޞަތު ލިބިގެންދާނެއެވެ.