Advertisement
މި ހަނގުރާމައިގައި ޣައްޒާގެ ގިނަ ސްކޫލްތަކެއް ވަނީ ގޮއްވާލާފައި ---
ޣައްޒާގެ ސްކޫލަކަށް އިޒްރޭލުން ދިން ހަމަލާ ރާއްޖެއިން ކުށްވެރިކޮށްފި
ޣައްޒާގެ ދާރުލް އަރްޤަމް ނަމަކަށް ކިޔާ ޣައްޒާގެ ސްކޫލަކަށް އިޒްރޭލުގެ ރަހުމްކުޑަ ސިފައިން ދިން ހަމަލާ ދިވެހިރާއްޖެއިން ކުށްވެރިކޮށްފިއެވެ.
މީގެ އިތުރުން، ސަޢޫދީ ސެންޓަރ ފޯ ކަލްޗަރ އެންޑް ހެރިޓޭޖުން ޣައްޒާގައި ހިންގާ ބޭސްފަރުވާއަށް ބޭނުންވާ ސާމާނު ރައްކާކުރާ ގުދަނަށް އިޒްރޭލުން ދިން ހަމަލާ ވެސް، ރާއްޖޭގެ ފޮރިން މިނިސްޓްރީން ނެރުނު ބަޔާނުގައި ކުށްވެރިކޮށްފައިވެއެވެ.
ފޮރުން މިނިސްޓްރީގެ ބަޔާނުގައި މިފަދަ އަނިޔާވެރި އަމަލުތައް ހުއްޓާލުމަށް ވެސް ގޮވާލާފައިވެއެވެ. އަދި ޣައްޒާގެ ރައްޔިތުންގެ އަސާސީ ބޭނުންތަކަށް އެހީތެރިވުމުގެ މަސައްކަތް ބައިނަލްއަޤްވާމީ މުޖުތަމަޢުން ކުރަންޖެހޭކަމަށް ވެސް ވަނީ ބުނެފައެވެ.
އިސްރާއީލުން ޣައްޒާ ސްކޫލަށް ދިން ހަމަލާގައި 30 އަށްވުރެ ގިނަ މީހުން ވަނީ ޝަހީދުވެފަ އެވެ. މީޑިއާ ރިޕޯޓްތައް ބުނާ ގޮތުން އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
