ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.

ފުލުހުން ހާމަކޮށްފައިވާ ގޮތުގައި ބަނގުރާކަމަށް ޝައްކުކުރެވޭ ފުޅިތަކެއް އަރުވައިގެން ހުޅުމާލޭގައި ދުއްވަމުން ދިޔަ މި ވޭނުގެ މަޢުލޫމާތު ބުރާސްފަތި ދުވަހުގެ ރޭގެ 21:45 ހާއިރު ފުލުހުންނަށް ލިބުނުކަމަށެވެ.

އަދި މި ރިޕޯޓާ ގުޅިގެން މި ވޭން ހޯދާ ބަލާފާސްކުރިއިރު، ބަނގުރާކަމަށް ޝައްކު ކުރެވޭ އެއްޗެއްހުރި ގިނަ ފުޅިތަކެއް ފެނިފައިވާކަމަށް ވަނީ ހާމަކޮށްފައެވެ. އެގޮތުން 500 މިލިލީޓަރުގެ 75 ފުޅި އެ ވެހިކަލްގެ ތެރެއިން ވަނީ ފެނިފައެވެ.

މި ވޭން ދުއްވަން އިނީ ނޭޕާލްއަށް ނިސްބަތްވާ އުމުރުން 37 އަހަރުގެ، ތިރުތާ ބަހާދުރް ކިޔާ ފިރިހެނެއްކަމަށް ވެސް ފުލުހުން ހާމަކޮށްފައި ވެއެވެ. 

އެ މީހާ ފުލުހުންގެ ބެލުމުގެ ދަށަށް ގެންދިއުމަށްފަހު، އެ ވެހިކަލް ވެސް ވަނީ މިހާރު ޓޯވކޮށްފައެވެ.

ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންކަމަށް ވަނީ ހާމަކޮށްފައެވެ.