Advertisement
ރޭ އިމިގްރޭޝަންގެ ކޮންޓްރޯލަރ ގެ މަޤާމުން ވަކިކުރެއްވި މުޙައްމަދު ޝަމްޢާން ވަހީދު --
ކުރީގެ ކޮންޓްރޯލަރ ޝަމްޢާން ހައްޔަރުކޮށްފި
ރޭ މަޤާމުން ވަކިކުރެއްވި އިމިގްރޭޝަންގެ ކޮންޓްރޯލަރ މުޙައްމަދު ޝަމްޢާން ވަހީދު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ ޝަމްޢާން ހައްޔަރުކޮށްފައި ވަނީ ކޯޓު އަމުރެއްގެ ދަށުން މިރޭ ކަމަށެވެ. އޭނާ ހައްޔަރު ކުރީ މައްސަލައިގެ ތަޙްޤީޤަށް މިރޭ ފުލުހުންގެ އިދާރާއަށް ހާޟިރުކުރުމަށްފަހުގައެވެ.
ޝަމްޢާންގެ މައްޗަށް ތުހުމަތުކޮށްފައި ވަނީ، ބިދޭސީ މަސައްކަތްތެރިންނަށް ނުފޫޒު ފޯރުވައިގެން އެމީހުންގެ އަތުން ނާޖާއިޒު މަންފާ ހޯދާފައިވާ ކަމުގެ ތުހުމަތެވެ. އެތުހުމަތުގައި އިމިގްރޭޝަންގެ އިތުރު ތިން އޮފިސަރަކުވެސް ރޭ ފުލުހުން ހައްޔަރުކުރިއެވެ.
މީގެ އިތުރުން ރޭ ފުލުހުން ހިންގި އޮޕަރޭޝަނުގައި ޝަމްޢާން ދިރިއުޅޭގެ ބަަލއި ފާސްކޮށް ބައިމިލިޔަނަށްވުރެ ގިނަ ރުފިޔާގެ ނަގުދުފައިސާ ހޯދާފައިވާ ކަމުަގައިވެސް ފުލުހުންގެ އިދާރާއިން ބުނެފައިވެއެވެ. ފުލުހުންގެ އިދާާރާއިން މިރޭ ނެރުނު ނޫސްބަޔާނެއްގައި ބުނެފައި ވަނީ އެފައިސާއަކީ، ބިދޭސީ މަސައްކަތް މީހެއްގެ އަތުން ހޯދާފައިވާ ފައިސާ ކަމަށެވެ.
ޝަމްޢާން ކޮންޓްރޯލަރގެ މަޤާމުން ވަކިކުރެއްވުމަށްފަހުގައި ރޭ ވަނީ އެމަޤާމަށް، ކުރީގެ ކޮމިޝަނަރ އޮފް ޕޮލިސް އަޙްމަދު ފަސީޙް ޢައްޔަނުކުރައްވާފައެވެ.
