މަޤާމުގެ ނުފޫޒު ބޭނުންކޮށްގެން ބިދޭސީ މަސައްކަތްތެރިންގެ އަތުން ނާޖާއިޒް މަންފާ ހޯދަމުންދާކަމުގެ ތުހުމަތުގައި، މޯލްޑިވްސް އިމިގްރޭޝަންގެ ބައެއް މުވައްޒަފުން ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ރޭ ހިންގި އޮޕަރޭޝަނުގައި، ގެ އެއް ބަލައި ފާސްކޮށް 3 މީހަކު ހައްޔަރުކޮށްފައިވާ ކަމަށެވެ. އެހެން ނަމަވެސް އެ މުވައްޒަފުންނާއި ގުޅޭ މައުލޫމާތެއް ފުލުހުންގެ އިދާރާއިން ހާމައެއް ނުކުރެއެވެ.

އެނގިފައިވާ ގޮތުގައި ރޭ ފުލުހުން ބަލައި ފާސްކޮށްފައި ވަނީ ރޭ މަޤާމުން ވަކިކުރި އިމިގްރޭޝަން ކޮންޓްރޯލަރ މުޙައްމަދު ޝަމްޢާން ވަޙީދު ދިރިއުޅެމުން ދިޔަ އެޕާޓްމަންޓެވެ. 

ފުލުހުންގެ އިދާރާއިން ވިދާޅުވީ، އެމައްސަލައިގެ ތަޙްޤީޤު ކުރިޔަށްދާވަރަކުން އެކަމާއި ގުޅޭ މައުލޫމާތު އާއްމު ކުރަމުން ގެންދާނެ ކަމަށެވެ.