Advertisement
ފުލުހުންނާއި ސިފައިން ކުރިޔަށް ގެންދާ އޮޕަރޭޝަނުގެ ތެރެއިން ---
ފުލުހުންނާއި ސިފައިން ހިންގަމުންގެންދާ އޮޕަރޭޝަނުގައި މިހާތަނަށް 3 މީހުން ހައްޔަރުކޮށްފި
ދިވެހި ފުލުހުންގެ ޚިދުމަތާއި ދިވެހިރާއްޖޭގެ ގައުމީ ދިފާއީ ބާރު ގުޅިގެން ކުރިއަށް ގެންދާ އޮޕަރޭޝަނުގައި މިހާތަނަށް 3 މީހަކު ހައްޔަރުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، މި އޮޕަރޭޝަނަކީ ފުލުހުންގެ އިންޓަލިޖެންސަށް ލިބުނު މައުލޫމާތަކާއި ގުޅިގެން ފުލުހުންނާއި ސިފައިން ގުޅިގެން ކުރިޔަށް ގެންދާ އޮޕަރޭޝަނެއް ކަމަށެވެ. އަދި ހައްޔަރުކުރި ތިން މީހުންނާއި ގުޅޭ ތަންތަން ބަލައި ފާސްކުރަމުންދާކަމުގައިވެސް ފުލުހުންގެ އިދާާރާއިން ވިދާޅުވެއެވެ.
ފުލުހުންނާއި ސިފައިން ގުޅިގެން މިރޭ ފެށި މިއޮޕަރޭޝަނަކީ، މާލެ ސަރައްހަދުގައި ނިރުބަވެރިހަމަލާއެއް ދިނުމަށް ބަޔަކު ރާވައި ތައްޔާރުވަމުންދާކަމުގެ މައުލޫމާތު ލިބިގެން ފެށި އޮޕަރޭޝަނެއް ކަމުގައި ބައެއް މަސްދަރުތަކުން ހާމަކޮށްފައި ވީނަމަވެސް އެކަމާއި ގުޅޭ ގޮތުން ރަސްމީ ސިފައެއްގައި އެއްވެސް ފަރާތަކުން މައުލޫމާތެއް ހާމަކޮށްފައެއް ނުވެއެވެ.
ފުލުހުންނާއި ސިފައިން ގުޅިގެން ފެށި މިއޮޕަރޭޝަން ފަށާފައި ވަނީ މިރޭގެ އިރާކޮޅުގައެވެ. މި އޮޕަރޭޝަންގެ ތެރެއިން ހުޅުމާލެ އާއި މާލޭގެ ބައެއް ގެތަށް ފުލުހުންދަނީ ބަލައި ފާސްކުރަމުންނެވެ.
