ޤައުމީ ސަލާމަތާ ގުޅުން ހުރި ހާއްސަ އޮޕަރޭޝަނެއް މިރޭ މާލޭގައި ކުރިއަށްގެންދާ ކަމަށް އިއުލާނުކޮށް ބަޔާނެއް ނެރުމަށްފަހު ފުލުހުން އެބަޔާން ކެންސަލްކޮށްފިއެވެ.

ފުލުހުން ނެރުނު ބަޔާނުގައި ބުނެފައި ވަނީ ލިބުނު އިންޓަލިޖެންސް މައުލޫމާތަކާއި ގުޅިގެން ސަލާމަތީ ޚިދުމަތްތައް ގުޅިގެން މާލެ ސަރަހައްދުގައި އޮޕަރޭޝަނެއް ފަށާފައިވާ ކަމަށެވެ. އެކަން ހާމަކޮށް ފުލުހުން ބަޔާން ނެރުމާއި އެކު މީޑިއާތަކުން އެޚަބަރު ކަވަރކުރަމުން ދަނިކޮށް ފުލުހުން ވަނީ، ފުލުހުން ސޯޝަލް މީޑިއާ އެކައުންޓްތަކުން ބަޔާން ޑިލީޓްކޮށްފައެވެ.

ބަޔާން ޑިލީޓްކުރުމާއި ގުޅިގެން ނޫސްވެރިން ފުލުހުންނާއި ސުވާލު ކުރުމުން ފުލުހުންގެ މީޑިއާއިން ވިދާޅުވީ، ބަޔާން ޑިލީޓު ކުރީ މައުލޫމާތުގެ ސައްޙަކަން ކަށަވަރުކުރުމަށްޓަކައި ކަމަށެވެ. އަދި އެކަމާއި ގުޅޭ ސައްޙަ މައުލޫމާތު ފަހުން ޙިއްޞާކުރާނެ ކަމުގައި ފުުލުހުންގެ މީޑިއާ ގުރޫޕް މެދުވެރިކޮށް ފޮނުވި މެސެޖުގައި ވަނީ ބުނެފައެވެ.

ފުލުހުން ނެރުނު ބަޔާން ޑިލީޓްކުރި ނަމަވެސް މާލެ ސަރަހައްދުގައި ސަލާމަތީ ޚިދުމަތްތަކުން ދަނީ އޮޕަރޭޝަނެއް ހިންގަމުންނެވެ.