މާލޭގެ ގެއަަކަށް ވަދެ އެގޭގެ ވެރިމީހާއަށް އަނިޔާކޮށް ބިރުދެއްކި 4 މީހަކު ފުލުހުން ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، އެ މައްސަލަ އާއި ގުޅިގެން ހައްޔަރުކޮށްފައި ވަނީ، ތ. ގުރައިދޫ، ފަޒާ، އަލީ ނަވާފު (21އ) އާއި، ނ. މަނަދޫ ހަވޭލީ، މުހައްމަދު އަޒާން، (23އ) އާއި ނ. ވެލިދޫ އެލަސް، އިބްރާހިމް އަހުނަފް (21އ) އާއި އއ. މާޅޮސް، ރީތިހިޔާ، މުހައްމަދު އަފްލާހު (23އ) އެވެ.

ފުލުހުންގެ އިދާރާއިން ވިދާޅުވީ، އެމީހުން ހައްޔަރުކޮށްފައި ވަނީ ރޭ މެންދަމު 12:45 އެގެއަށް ވަދެ އެގެއަށް ގެއްލުންދީ ގޭގެ ވެރިމީހާއަށް އިންޒާރުތައް ދީފައިވަނިކޮށް ކުށުގެ ވެށިން ކަމަށެވެ. 

ފުލުހުންގެ އިދާރާއިން ވިދާޅުވީ އެމީހުންގެ ބަންދާއި މެދު ގޮތެއް ނިންމުމަށް ކުްރިމިނަލްކޯޓަށް ޙާޟިރު ކުރުމުން އެމީހުންގެ ބަންދަށް 15 ދުވަސް ޖަހާފައި ވާކަމަށެވެ. އަދި އެމައްސަލަ ތަޙްޤީޤު ކުރަމުންދާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

މި ހަތަރު މީހުން މާލޭގެ އެގެއަށް ވަދެ އެގޭގެ ވެރިމީހާއަށް އިންޒާރުދީ ބިރުދައްކައި އަނިޔާކުރާ މަންޒަރު ފެންނަ ވީޑިއޯއެއް މިހާރު ދަނީ ދައުރުވަމުންނެވެ. އެމީހުން އެގެއަށްވަދެ ބިރުދައްކައި އަނިޔާކުރީ ކޮން ސަބަބަކާއި ހުރެ ކަމެއް މިހާތަނަށް އެނގިފައެއް ނުވެއެވެ.