މިދިޔަ ހުކުރު ދުވަހު ހުޅުމާލޭގައި ހިނގި އެކްސިޑެންޓެއްގައި 6 އަހަރުގެ ކުޑަކުއްޖަކަށް އަނިޔާވެފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، މިއެކްސިޑެންޓް ހިނގާފައި ވަނީ ހުޅުމާލެ ނިރޮޅު މަގުން އެލްމޮބައިލް 3 ކުރިމަތީގައެވެ.

ފުލުހުންގެ އިދާރާއިން ވިދާޅުވީ، އެހާދިސާ ހިނގީ ހުކުރު ދުވަހުގެ ހަވީރު 15:50 ހާއިރުގައި ކަމަށެވެ. 

އެނގިފައިވާ ގޮތުގައި އެކްސިޑެންޓް ހިނގީ އުމުރުން 6 އަހަރުގެ ކުޑަކުއްޖާ އެކުއްޖާގެ ބައްޕައާއެކު އެލްމޮބައިލް 3 އިން ޕްލޭ ސްޓޭޝަނެއް ގަނެގެން ގެއަށް ދިޔުމަށް މަގު ހުރަސްކުރަނިކޮށް ބާރު ސްޕީޑުގައި ދުއްވާފައި ދިޔަ ސައިކަލް މަޑުނުކޮށް ދާން އުޅުމުގެ ތެރޭގައެވެ. މިއެކްސިޑެންޓްގައި ކުޑަކުއްޖާގެ މޫނަށާއި ހަށިގަނޑަށް ޒަޚަމްތައް ލިބުނެވެ. އަދި ކުއްޖާގަތް ޕްލޭސްޓޭޝަންވެސް ވެއްޓި ހަލާކުވިއެވެ.

ފުލުހުންގެ އިދާރާއިން ވިދާޅުވީ އެކްސިޑެންޓްވި ސައިކަލު ދުއްވާފައި ވަނީ ސައިކަލް ދުއްވުމުގެ ލައިސަންސް އޮތް މީހެއް ކަމަށާއ އެ އެކްސިޑެންޓްގެ މައްސަލަ ބަލަމުންދާ ކަމަށެވެ.