އައްޑޫ ސިޓީ ހަންކެނޑެ ބުރިޖުމަތީގައި ހިނގި އެކްސިޑެންޓެއްގައި ޒުވާނަކު މަރުވެއްޖެއެވެ.

މިއަދު ހެނދުނު ހިނގި މިއެކްސިޑެންޓްގައި މަރުވެފައި ވަނީ، މާލެ، ގ.ނައިޓް ޑްރީމް އުމުރުން 24 އަހަރުގެ ލީވާން ޢަބުދުއް ސައްތާރެވެ.

ފުލުހުންގެ އިދާރާއިން ވިދާޅުވީ، ޒުވާނާ މަރުވި އެކްސިޑެންޓް ހިނގީ މިއަދު ހެނދުނު 9:49 ހާއިރުގައި ކަމަށް ފުލުހުންގެ އިދާރާއިން ވިދާޅުވިއެވެ. މިއެކްސިޑެންޓް ހިނގީ އެޒުވާނާ ބާރު ސްޕީޑުގައި ދުއްވާފަައި ދިޔަ ސައިކަލު ކޯޒުވޭގެ ލަނބާލާފައި އޮތް ހިސާބުން އަނބުރާ ނުލެވި ކޯޒުވޭގެ ފެންސުގައި ޖެހިގެންނެވެ.

މިހާދިސާގައި އެޒުވާނާއަށް ވަރަށް ބޮޑަށް އަނިޔާވިއެވެ. އަދި އޭނާ މަރުވެފައި ވަނީ، އައްޑޫ އިކުއެޓޯރިއަލް ހޮސްޕިޓަލަށް ގެންގޮސް ފަރުވާދެމުން ދަނިކޮށެވެ.