Advertisement

ފޮޓޯ: ސޯސަލް މީޑިއާ

10 Aug 2023
ޚަބަރު

އެމްއޭސީއެލްގެ ކޮންމެ މުވައްޒަފަކަށް ބޯނަސްގެ ގޮތުގައި 25،000 ރުފިޔާ

2022 ވަނަ އަހަރުގެ ބޯނަސްގެ ގޮތުގައި ކޮންމެ މުވައްޒަފަކަށް 25،000 ރުފިޔާ ދިނުމަށް މޯލްޑިވްސް އެއަރޕޯރޓްސް ކޮންޕެނީ ލިމިޑެޓް، އެމްއޭސީއެލްއިން ނިންމައިފިއެވެ. އެމްއޭސީއެލްއިން ބުނީ މިގޮތައް ނިންމާފައިވަނީ ކުންފުނީގެ މުވައްޒަފުންނަށް ހަމަހަމަވާ އުސޫލުން އަހަރީ ބޯނަސް ދިނުމުގެ ބޭނުމުގައިކަމަށެވެ.

2022 ވަނަ އަހަރުގެ އަހަރީ ބޯނަސްގެ ގޮތުގައި ކުންފުނީގެ ވަޒީފާގައި އެ އަހަރު 6 މަސް ދުވަސް (180 ދުވަސް) ނުވަތަ އެއަށްވުރެ ގިނަ ދުވަހު މަސައްކަތް ކޮށްފައިވާ މުވައްޒަފުންނާއި، އެ އަހަރު ވަޒީފާއިން ވަކިވެފައިވާ މުވައްޒަފުންގެ ތެރެއިން 6 މަސް ދުވަސް ނުވަތަ އެއަށްވުރެ ގިނަ ދުވަސް ވެފައިވާ މުވައްޒަފުންނަށް ބޯނަސް ފައިސާ ދިނުމަށް ހަމަޖެހިފައިވަނީ ވަޒީފާގައި އުޅުނު ދުވަހުގެ ނިސްބަތުން (ޕްރޯ ރާޓާކޮށް) ކަމަށް އެމްއޭސީއެލްއިން ވަނީ ބުނެފައެވެ. ނަމަވެސް ޑިސިޕްލިނަރީ ޕޮލިސީގެ ދަށުން 2022 ވަނަ އަހަރު ވަޒީފާއިން ވަކިކުރެވިފައިވާ މުވައްޒަފުންނަށް 2022 ވަނަ އަހަރުގެ ބޯނަސް ފައިސާ ނުލިބޭނެކަމަށްވެސް އެމްއޭސީއެލްއިން ވަނީ ބުނެފައެވެ.

އެމްއޭސީއެލްއިން ބުނީ 2022 ވަނަ އަހަރުގެ ބޯނަސް ފައިސާ އެންމެ ލަސްވެގެން 13 އޮގަސްޓް 2023 ގެ ކުރިން މުވައްޒަފުންގެ އެކައުންޓަށް ޖަމާވާނެކަމަށެވެ. އެމްއޭސީއެލްއަކީ އަބަދުވެސް މުވައްޒަފުންނަށް ބޯނަސްގެ ގޮތުގައި ބޮޑު އަދަދެއް ދެމުން އަންނަ ކުންފުންޏެކެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.