ވައްކަން ކުރުމުގެ މައްސަލަތަކުގައި މީގެ ކުރިން ހައްޔަރުކޮށްފައިވާ ދެމީހަކު، އަންހެން ހެދުން އަޅައި ސިފަ ބަދަލުކޮށްގެން ވައްކަން ކުރަން އުޅެނިކޮށް ފުލުހުން އެމީހުން ހައްޔަރުކޮށްފިއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި ގދ. ވާދޫ، ލިލީގޭ މުހައްމަދު ސޮބާހު 46، އާއި ނ. މިލަދޫ ސޯސަންގޭ މުހައްމަދު ނައުޝާދު، 42 ހައްޔަރުކޮށްފައި ވަނީ، ހޮނިހިރު ދުވަހުގެ ރޭ މެންދަމުން އަލިވެ 2:39 ހާއިރުގައި، މާލޭ މަޖީދީ މަގާއި މާވޮޔޮމަގު ގުޅުނު ހިސާބުންނެވެ. 

ފުލުހުންގެ އިދާރާއިން ވިދާޅުވީ، އެމީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުމުން 15 ދުވަހު ބަންދުގައި ބޭތިއްބުމަށް އަމުރު ދީފައިވާ ކަމަށެވެ.