ފުލުހުން އުޅަނދުތައް ޓޯވ ކުރުން --
މާލޭގެ މަގުތައް މަތީގައި ހުރި ގިނަ ދުވަސްވީ ބައެއް ވެހިކަލްތައް ނަގައިފި
މާލޭގެ މަގުތަކުގައި ދިގު މުއްދަތަކަށް ބޭނުންނުކޮށް ދޫކޮށްލާފައި ހުރި 200 ވުރެ ގިނަ އުޅަނދު ފުލުހުން ނަގައިިފިއެވެ.
ފުލުހުންގެ އިދާރާއިން ވިދާޅުވީ، އިއްޔެ މާލޭގެ މަގުތަކުން ޖުމުލަ، 235 އުޅަނދެއް ވަނީ ޓޯވ ކޮށްފައި ކަމަށެވެ. އޭގެ ތެރޭގައި ހިމެނެނީ 201 ސައިކަލާއި ހަތަރު ފުރޮޅުލީ 31 އުޅަނދު އަދި 3 ބައިސްކަލު ކަމުގައި ފުލުހުންގެ އިދާރާއިން ވިދާޅުވިއެވެ.
މިދިޔަ އަހަރުވެސް ފުލުުހުން ވަނީ މާލެ އާއި ހުޅުމާލޭގެ މަގުތަކުގައި ހުރި ގިނަ ދުވަސްވީ އުޅަނދުތައް ނަގައި ނައްތާލާފައެވެ.