ރައީސުލްޖުމްހޫރިއްޔާގެ ފަރާތްޕުޅުން ސަރުކާރުން ކޮންމެ ގޭބިސީއަކަށް ދިނުމަށް ހަމަޖައްސާފައިވާ މަސްދަޅުކޭސް މާލެ ސަރަހައްދުގައި ދޫކުރަން ފަށާނީ މިމަހުގެ 20 ވަނަ ދުވަހުންފެށިގެން ކަމުގައި، އެސްޓީއޯއިން ވިދާޅުވެއްޖެއެވެ.

އެކުންފުނިން ހާމަކުރައްވާފައިވާ ގޮތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކޮންމެ ގޭބިސީއަކަށް ހަދިޔާކުރެއްވުމަށް ނިންމަވާފައިވާ މަސްދަޅު، މާލެ އާއި ވިލިމާލެ އާއި ހުޅުމާލޭގައި ކޭސްތައް ބަހާނީ މި މަހުގެ 20 ވާ ބުރާސްފަތި ދުވަހުން ފެށިގެން މި މަހުގެ ނިޔަލަށް ކަމަށެވެ.

މަސްދަޅުކޭސް ދޫކުރަން ނިންމާފައި ވަނީ، ކޮންމެ ދުވަހެއްގެ މެންދުރުފަހު 2:30 އިން ހަވީރު 6:00 އަށް އަދި ރޭގަނޑު 8:30 އިން 11:00 އަށް ކަމުގައިވެސް އެކުންފުނިން ވަނީ ހާމަކުރައްވާފައެވެ.