މާލޭގައި ހިނގަމުންދާ ސިލްސިލާ މާރާމާރީތަކާއި ގުޅިގެން ތުހުމަތު ކުރެވޭ ބައެއް މީހުން ފުލުހުންގެ ބެލުމުގެ ދަށަށް ގެންގޮސްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

މި ހަފްތާ އާއި މިދިޔަ ހަފްތާގައި މާލެ ސަރަހައްދުގައި ސިލްސިލާ މާރާމާރީތަކެއް ހިންގާފައިވާ އިރު، ފުލުހުންގެ ތަރުޖަމާނު އަޙްމަދު ޝިފާން ވިދާޅުވީ، އެމާރާމާރީތަކާއި ގުޅިގެން ތުހުމަތު ކުރެވޭ ބައެއް މީހުން ފާއިތުވި ދެދުވަހުވެސް ފުލުހުންގެ ބެލުމުގެ ދަށަށް ގެނެެސްފައިވާ ކަމަށެވެ. އަދި އެމައްސަލަތަކުގެ މައުލޫމާތު ފަހުން ހިއްސާކުރައްވާނެ ކަމުގައިވެސް ޝިފާން ވިދާޅުވިއެވެ.

މިދިޔަ ހަފްތާ އާއި މިހަފްތާގައި މާލެ ތެރޭގައި ވަނީ ސިލްސިލާ މާރާމާރީތަކެއް ހިނގައި ބައެއް މީހުންނަށް އަނިޔާވެފައެވެ. މާރާމާރީތަކައި ގުޅިގެން މީގެ ކުރިން 4 މީހަކު ފުލުހުން މިހަފްތާގައި ހައްޔަރުވެސް ކޮށްފައިވެއެވެ.