Advertisement
ވިލުފުށި ---
ވިލުފުށީގައި މީހަކު ސިހުރު ހެދިކަމަށް ބުނާ މައްސަލައެއް ބަލަން ފަށައިފި
ކޮޅުމަޑުލު ވިލުފުށީގައި މީހަކު އެރަށުގެ ކެފޭއަކަށް ސިހުރު ހެދި ކަމަށް ބުނާ މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ އިދާރާއިން ވިދާޅުވީ، އެމައްސަލަ ފުލުހުންނަށް ރިޕޯޓްކޮށްފައި ވަނީ ރޭގެ ދަންވަރު 12:05 ހާއިރުގައި ކަމަށެވެ. މައްސަލަ ރިޕޯޓްކޮށްފައި ވަނީ މީހަކު ސިހުރު ހަދާފައިވާކަމަށް ބެލެވޭ އެއްޗެހިތަކެއް އެރަށުގެ ކެފޭއެއްގެ ކުރިމައްޗަށް އަޅާފައިވާ ކަމަށް ބުނެއެވެ.
ފުލުހުންގެ އިދާރާއިން ވިދާޅުވީ، އެމައްސަލަ ބަލަމުންދާ ކަމަށެވެ. އެހެން ނަމަވެސް ތުހުމަތު ކުރެވޭ މީހާއާއި މެދު އަމަލު ކުރި ގޮތެއް ފުލުހުން ހާމަކުރައްވާފައެއް ނުވެއެވެ.
ސިހުރި ހަދާކަމަށް ތުހުމަތު ކުރެވޭ މައްސަލަތައް ދޭތެރެ ދޭތެރެއިން ފުލުހުން އަންނަނީ ތަޙްޤީޤު ކުރަމުންނެވެ. އަދި އެފަދަ މައްސަލަތަކުގައި ތުހުމަތު ކުރެވޭ މީހުންގެ މައްސަލަތައް ފުލުހުން ޕީޖީއަށްވެސް ހުށައަޅާފައިވެއެވެ.
