ސްޓެލްކޯ ހިޔާގެ ސީ ޓަވަރުގެ 9 ވަނަ ފަންގިލާއިން ވެއްޓި ޒުވާނަކު މަރުވެއްޖެއެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 2ގައި ހުންނަ ސްޓެލްކޯ ހިޔާ ޓަވަރަކުން ވެއްޓި މަރުވެފައި ވަނީ، ހެންވޭރު ގިނިރާހި އާގޭ، އިބްރާހީމް ޝަރަފް (24އ)ކަމަށެވެ. އޭނާ އެ އިމާރާތުން ވެއްޓުނު ކަމަށް ބެލެވެނީ މިއަދު 16:00 ހާއިރުގައެވެ. އެހެން ނަމަވެސް ހާދިސާ ހިނގި ވަގުތެއް ފުލުހުން ހާމަކުރައްވާފައެއް ނުވެއެވެ.

އެޒުވާނާ ވެއްޓިފައި އޮތީ ސްޓެލްކޯ ހިޔާގެ ސީ ޓަވަރުގެ ބިއްދޮށް ފަރާތަށެވެ. ދައުރުވަމުން އަންނަ ފޮޓޯތަކުން ފެންނަ ގޮތުގައި އޭނާއަށް އޮތީ ބޮޑެތި ޒަޚަމްތަކެއްވެސް ލިބިފައެވެ.

ފުލުހުންގެ އިދާރާއިން ވިދާޅުވީ، މަރުގެ މި ހާދިސާ އާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.