ރާއްޖޭގެ އަމިއްލަ ކުންފުންޏަކުން ދުއްވަމުން އައި އަގު ބޮޑު ލަގްޒަރީ ޔޮޓު ނަވައިމާގައި އަލިފާނުގެ ހާދިސާއެއް ހިނގައި އެޔޮޓު އަޑިޔަށް ހިނގައްޖެއެވެ.

ފުލުހުންގެ އިދާރާއިން ވިދާޅުވީ، އެ ޔޮޓުގައި އަލިފާނުގެ ހާދިސާ ހިނގާފައި ވަނީ ބުދަ ދުވަހުގެ ރޭ ފަތިހު 3:43 ގައި، ރީތިރަށް ރިސޯޓާއި ދިމާއިން 5 މޭލު ބޭރުން ދަތުރު ކުރަމުން ދަނިކޮށް ކަމަށެވެ. ޔޮޓުގައި އެވަގުތު 5 މީހުން ތިބި ކަމަށާއި އޭގެ ތެރެއިން އެކަކަށް ފިހިގެން ފަރުވާ ދިނުމަށް މާލެ ގެނެސްފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އަލިފާނުގެ ހާދިސާ އާއި ގުޅިގެން ޔޮޓު އެއްކޮށް އަޑިޔަށް ގޮސްފައިވާ ކަމަށާއި، ފުލުހުން ގެންދަނީ އެހާދިސާ ތަޙްޤީޤު ކުރަމުން ކަމަށެވެ.

ނަވައިމާ ޔޮޓުގެ އެތެރެ --

އަޑިޔަށް ދިޔަ ޔޮޓަކީ، 16 އަހަރުވެފައިވާ ޔޮޓެކެވެ. އެއީ އޭޑީކޭ ގުރޫޕްގެ ޔޮޓެއްކަން އެނގިފައިވެއެވެ.