Advertisement
އައިޖީއެމް ހޮސްޕިޓަލް --
އައިޖީއެމްއެޗުގައި ފަރުވާދެމުންދިޔަ ޚާއްސަ އެހީއަށް ބޭނުންވާ މީހަކު މަރުވި މައްސަލައެއް
އައިޖީއެމްއެޗްގެ އީއާރްގައި ފަރުވާދެމުން ދިޔަ ޚާއްސަ އެހީތެރިކަމަށް ބޭނުންވާ 39 އަހަރުގެ އަންހެނަކު ރޭ މަރުވި މައްސަލައެއް ފެންމަތިވެއްޖެއެވެ،
ފުލުހުންގެ އިދާރާއިން ވިދާޅުވީ، އަންހެންމީހާ މަރުވިކަން ހޮސްޕިޓަލުން ފުލުހުންނަށް ރިޕޯޓްކޮށްފައިވާ ރޭގެ 23:30ގައި ކަމަށާއި، އެމީހާގެ ހަށިގަނޑުން ފުލުހުން ސާމްޕަލް ނަގާފައި ވަނީ އާއްމު އުސޫލުން މަރުގެ މައްސަލަތައް ބަލާ ގޮތަށް ކަށެވެ. ފުލުހުންގެ އިދާރާއިން ވިދާޅުވީ، އަންހެންމީހާ އުސްތަނަކުން ވެއްޓުނު ކަމަށް ދެކެވޭ ވާހަކައަކީ ދޮގެއް ކަމަށާއި އޭނާއަށް އީއާރްގައި ފަރުވާދެމުން ދަނިކޮށް ނުކުމެގެން ދުއްވައި ގަތުމުން ވެއްޓިފައިވާ ކަމަށެވެ.
އަންހެން މީހާ މަރުވާން ދިމާވި ސަބަބެއް އެނގިފައި ނުވި ނަމަވެސް ރޭގެ ފަތިސް ނަމާދަށްފަހުގައި އެއަންހެންމީހާގެ ހަށިގަނޑު ވަނީ ވަޅުލާފައެވެ. ފުލުހުންގެ އިދާރާއިން ވިދާޅުވީ، އަންހެންމީހާގެ މަރާއި ގުޅިގެން އާއިލާއިންވެސް އަދި އެނޫން ފަރާތަކުންވެސް މައްސަލައެއް ހުށައަޅާފައި ނުވާކަމަށެވެ.
