Advertisement
ލޫޠު އިބްރާހީމް (27އ) -- ފޮޓޯ: ޕޮލިސް
ްްްއެކްސިޑެންޓްވުމުން ސީންއިން ފިލި މީހަކު ހޯދައި ހައްޔަރުކޮށްފި
އިއްޔެ ހުޅުމާލޭގައި ހިނގި އެކްސިޑެންޓެއްގައި ސީންދޫކޮށް ފިލައިގެން ދިޔަ މީހާ ހޯދައި ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އިއްޔެ ހުޅުމާލޭ ނިރޮޅުމަގުން ކެއާ ޕްލަސްކައިރިން ހިނގާފައި ދިޔަ މީހެއްގެ ގައިގައި ސައިކަލަކުންޖެހި އެކްސިޑެންޓް ވެފައިވާ ކަމަށެވެ. އެކްސިޑެންޓްގައި އަނިޔާވެފައި ވަނީ އުމުރުން 63 އަހަރުގެ ދިވެހި ފިރިހެނަކަށެވެ.
މި އެ އެކްސިޑެންޓް ވުމާއި އެކު ސައިކަލް ދުއްވަން އިންމީހާ ވަނީ ސައިކަލް ދޫކޮށް ފިލައިގެން ގޮސްފައި ކަމަށާއި އެމީހާ ހޯދައި ހައްޔަރުކޮށްފައި ވަނީ މިއަދު ކަމުގައި ފުލުހުންގެ އިދާރާއިން ވިދާޅުވިއެވެ. އެމައްސަަލައިގައި ހައްޔަރުކޮށްފައި ވަނީ، ގދ، ވާދޫ ފުރުޞަތު، ލޫޠު އިބްރާހީމް (27އ) ކަމުގައި ފުލުހުންގެ އިދާރާއިން ވަނީ ހާމަކުރައްވާފައެވެ.
