ޅެންވެރީންގެ ޝުޢޫރުތަކުން ދަރީންގެ ތަރުބިއްޔަތަށް މަގު ދައްކަވައި ދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެދިވަޑައިގެންފިއެވެ. އެމަނިކުފާނު މިކަމަށް އެދިވަޑައިގެންނެވީ، މިއަދު ފާހަގަކުރާ ދިވެހިރާއްޖޭގެ ޅެންވެރީންގެ ދުވަހުގެ މުނާޞަބަތާއި ގުޅުވައިގެން ފޮނުއްވި މެސެޖުގައެވެ.

ރައީސުލްޖުމްހޫރިއްޔާގެ މެސެޖުގައި، ވަނީ، ޅެންވެރީންގެ ޝުޢޫރުތަކުން ދަރީންގެ ތަރުބިއްޔަތަށް މަގު ދައްކަވައި ދެއްވުމަށް  އެދިވަޑައިގެންނެވުމުގެ އިތުރުން، ޤައުމީ ލޯބި އިތުރުކޮށްދެއްވުމަށާއި، މަތިވެރި އަޚުލާޤު ދިރުވައި އާލާކޮށްދެއްވުމަށް އެދިވަޑައިގެންފައެވެ. 

ރައީސުލްޖުމްހޫރިއްޔާގެ މެސެޖުގައި ވަނީ، ޅެންވެރީންގެ ދުވަހުގެ މުނާޞަބަތުގައި ދިވެހި ހުރިހައި ޅެންވެރީންނަށް ތަޙްނިޔާ އާއި ހެޔޮއެދުންތައް ފޮނުއްވާފައެވެ.

ދިވެހިރާއްޖޭގެ ޅެންވެރިންގެ ދުވަސް ނިސްބަތްކުރައްވާފައި ވަނީ، މަޝްހޫރު އަދީބު އަދި ކުޅަދާނަ ޅެންވެރިޔާ، އަދި ވާހަކަދެއްކުންތެރިޔާ އިބްރާހީމް ޝިހާބުގެ ހަނދާނަށެވެ.