ހުޅުމާލޭގެ ފޭސް 2ގައި ސްޓެލްކޯއިން ގާއިމު ކޮށްފަވާ ސަބްސްޓޭޝަން ގްރޭޓާ މާލެ އިންޓަ ކަނެކްޝަން ގްރިޑާ މިއަދު ގުޅާލައިފި އެވެ.

132 ކިލޯ ވޯލްޓޭޖުގެ މި ސަބްސްޓޭޝަން ގްރޭޓާ މާލެ އިންޓަ ކަނެކްޝަން ގްރިޑާ ގުޅާލާފައި ވަނީ މިއަދުގައެވެ. މި ސަބް ސްޓޭޝަންތަކުގެ ބޭނުމަކީ އެ ސަރަހައްދަށް އެކަށީގެންވާ ގޮތުގައި ކަރަންޓް ފޯރުކޮށްދިނުމެވެ. 

މިމަަސައްކަތް ކުރުމަށްޓަކައި ސްޓެލްކޯއަށް މާލޭގެ ބައެއް ސަރަހައްދުތަކުން ކުޑަ ވަގުތުކޮޅަކަށް ކަރަންޓްގެ ޚިދުމަތް މެދު ކަނޑާލަން ޖެހުނެވެ.

ފޭސް 2ގެ ސަބްސްޓޭޝަންގެ މި މައްސައްކަތުގެ އިތުރުން، ފޭސް 2 ގައި ހުންނަ 11 ކިލޯވޯލްޓޭޖުގެ ކޭބަލްތައް ސަބްސްޓޭޝަނަށް ބަދަލުކުރުމުގެ މަސައްކަތްވެސް ވަރަށް އަވަހަށް ފަށާނެ ކަމުގައި ސްޓެލްކޯއިން ވަނީ ވިދާޅުވެފައެވެ.