Advertisement
ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް --
ފަހަތަށް ނުޖެހި ސަރުކާރާއި ދެކޮޅަށް ނުކުތުމަށް ކުރީގެ ރައީސް ޞާލިޙް ގޮވާލައްވައިފި
ރައްޔިތުން ފަހަތަށް ނުޖެހި ސަރުކާރާއި ދެކޮޅަށް ނުކުތުމަށް ކުރީގެ ރައީސުލްޖުމްހޫރިއްުޔާ އިބްރާހީމް މުޙައްމަދު ޞާލިޙް ގޮވާލައްވައިފިއެވެ.
އެމަނިކުފާނު މިކަމަށް ގޮވާލެއްވީ އެމްޑީޕީގެ "ޤާނޫނު އަސާސީގެ ދިފާއުގައި" ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ރައީސް ޞާލިޙް ވިދާޅުވީ، މިއަދު ކުރަންވީ ކަމަކީ ފަހަތަށް ނުޖެހި ނުކުތުން ކަމަށާއި، ރައްޔިތުން ނުކުތީމާ، ރައްޔިތުންގެ އަޑު އަހަން ސަރުކާރަށް މަޖުބޫރުވާނެ ކަމަށެވެ.
ރައީސް ޞާލިޙް ވިދާޅުވީ ރައްޔިތުން ނުކުމެއްޖެ ނަމަ ރައްޔިތުން ބޭނުންވާ ގޮތަށް އަމަލުކުރުމަށް ސަރުކާރަށް މަޖުބޫރުވާނެ ކަމަށެވެ. އަދި ބާރު އޮތީ ރައްޔިތުންގެ އަތްމަތީގައި ކަމަށާއި، އެމްޑީޕީން އޮތީ ރައްޔިތުންނަށް ޙައްޤުތައް ހޯދައި ދިނުމަށް ނުކުމެ ކަމުގައިވެސް ރައީސް ވިދާޅުވިއެވެ.
