އިއްޔެއަކީ ދިވެހިރާއްޖޭގެ ޑިމޮކްރަސީއަށް އިރު އޮއްސިގެން ދިޔަ ދުވަސްކަމުގައި އެމްޑީޕީގެ ރައީސް އަދި ކުރީގެ ފޮރިން މިނިސްޓަރ ޢަބްދުﷲ ޝާހިދު ވިދާޅުވެއްޖެއެވެ.

ޝާހިދު މިހެން ވިދާޅުވީ، މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ. 

ޝާހިދު ވިދާޅުވީ، އިއްޔެ ރައްޔިތުންގެ މަޖިލީހުން ޤާނޫނު އަސާސީއަށް ގެނައި ބަދަލުތައް ފާސްކުރި ވަގުތު ދިމާވީ އިރުއޮއްސުނު ވަގުތާއި ކަމަށާއި އެހެން ކަމުން އެމަނިކުފާނަށް ސިފަކުރެވުނީ، އެއީ ރާއްޖޭގެ ޑިމޮކްރަސީއަށްވެސް އިރު އޮއްސިގެން ދިޔުން ކަމަށެވެ.

ޝާހިދު ވިދާޅުވީ، މިއަދުގެ ރައްޔިތުންގެ މަޖިލީހުގެ ރައީސް ކަންތައް ކުރައްވަމުން ގެންދަވަނީ ޕާޓީއަށް ޤަބޫލު ކުރެވޭ ގޮތަކަށް ނޫނޭ ވިދާޅުވެ ޕާޓީން މަޖިލީހުގެ ރައީސް ވަކި ކުރައްވައިފި ހާލަތުގައި ރައްޔިތުންގެ މަޖިލީހުގެ ރައީސްކަމުން އަދި މެންބަރުކަމުން މަޖިލީހުގެ ރައީސް، އޮނަރަބަލް އަބްދުއްރަހީމްވެސް ވަކިވެގެން ދާނެ ކަމަށެެވެ. އަދި އިތުރަށް އެއްވެސް ސުވާލެއް މަޖިލީހުގެ ރައީސް އަބްދުއްރަހީމްއަށް، ކުރެއްވުމުގެ ޖާގައެއްވެސް މަސައްކަތެއް ކުރުމުގެ ފުރުސަތެއް ވެސް ދެން ނޯންނާނެ ކަމުގައި ޝާހިދު ވިދާޅުވިއެވެ.

ޝާހިދު ވިދާޅުވީ، ތިމާމެންނަށް ބާރު ލިބިފައި އޮތީތީ ހަމަ ހިތުހުރިހައި ގޮތަކަށް ކަންތައްތައް ކުރުމަކީ، ޑިިމޮކްރަސީއެއް ނޫންކަމަށެވެ.

އިއްޔެ ކުއްލިގޮތަކަށް ސަރުކާރުން ހުށައެޅި ބިލް ފާސްކޮށް ޤާނޫނު އަސާސީއަށް މުހިއްމު 5 ބަދަލެއް ގެނެސްފައިވާއިރު އެކަންކަމުގެ ސަބަބުން ދެން ނުކުންނާނެ ނަތީޖާއަކާއި މެދުވެސް ޤާނޫނީ ދަާއިރާގެ ބައެއް ބޭފުޅުން ގެންދަވަނީ ސުވާލު އުފައްދަވަމުންނެވެ. އަދި ޤާނޫނު އަސާސީއަށް ގެނައި އެއިސްލާޙްތަކުގެ ޞައްޙަކަން ކަށަވަރުކުރުމަށްޓަކައި، ސްޕްރީމްކޯޓަށް މައްސަލަ ހުށައެޅުއްވުމަށްވެސް، ރައްޔިތުންގެ މަޖިލީހުގެ ދިއްގަރު ދާއިރާގެ ކުރީގެ މެމްބަރު އަޙްމަދު ފާރިޝް މައުމޫން ވަނީ ގޮވާލައްވާފައެވެ.