މި ސަރުކާރު ވެރިކަމާ ހަވާލުވެ އެއް އަހަރު ފާއިތުވެގެން ދިޔައިރު މި ފެންނަނީ އުންމީދެއް އަދި އަމާޒެއް ނެތް ސަރުކާރެއްގެ ގޮތުގައި ކަމުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިސަރުކާރަށް 1 އަހަރު ފުރުމާއި ދިމާކޮށް، ރާއްޖޭގެ އަމިއްލަ ޓީީވީ ސްޓޭޝަނެއް ކަމުގައިވާ، ރާއްޖެ ޓީވީގެ ޕްރޮގްރާމެއްގައި ވާހަކަފުޅު ދައްކަވަމުންނެވެ. ސަރުކާރަށް ފާޑު ވިދާޅުވެ ކުރީގެ ރައީސް ޞާލިޙް ވިދާޅުވީ، މިސަރުކާރުން ވަނީ މާޔޫސް ކަމެއްގެ ތެރެއަށް ރައްޔިތުން ވައްޓާލާފައި ކަމަށެެވެ.

ރައީސް ޞާލިޙް ވިދާޅުވީ، މިސަރުކާރުގެ މިވޭތުވި އެއް އަހަރުގެ ތެރޭގައި ރައްޔިތުން ވަނީ ބިރުވެރިކަމެއްގެ ތެރެއަށް ވައްޓާލާފައި ކަމަށެވެ. 

މީޑިއާތަކާއި މެދު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އެޅުމަށް މަސައްކަތް ކުރާ އެފިޔަވަޅަކީ ޑިމޮކްރަސީއެއްގައި އެޅޭނެ އެންމެ ނުރައްކާތެރި ފިޔަވަޅުކަމުގައި ރައީސް އިބޫ ވިދާޅުވިއެވެ.

މީޑިއާތަކުގެ މައްސަލައިގެ އިތުރުން ރައީސް ސޯލިޙް ވަނީ އިތުރު ކަންކަމުގެ މައްޗަށްވެސް އަލިއަޅުއްވާލައްވައި ވާހަކަފުޅު ދައްކަވާފައެވެ. އެގޮތުން ސަރުކާރުންވީ ވަޢުދުތައް ނުފުއްދި ރާއްޖޭގެ މައިގަނޑު ސިނާޢަތްތައް ވަނީ ނުރައްކާތެރި ހާލަތެއް ކަމުގައި ވަނީ ފާހަގަކުރައްވާފައެވެ. އަދި ކުރިއަށް އޮތްތަނުގައި ރައްޔިތުންނަށް އުނދަގޫ އަދި ދަތި ދުވަސްތަކަކާއި ކުރިމަތިލާން ޖެހޭނެ ކަމުގައިވެސް ރައީސް ޞާލިޙް ވަނީ ވިދާޅުވެފައެވެ.