Advertisement

04 Dec 2024
ވާހަކަ
ލުބާނާ ޙުސައިން

ހިތިކަމުގާ | އެޕިސޯޑު 1

ހިތިކަމުގާ | އެޕިސޯޑު - 1

އަހަރެންގެ އުމުރުން އެންމެ އަށް އަހަރުން ފެށިގެން ދިރިއުޅުމުގެ ކަންކަން އަހަންނަށް ދަސްވާންފެށިއެވެ. އަހަންނަކީ އެހާ ނަސީބުގަދަ މީހެއްނޫނެވެ. ދިރިއުޅުމުގައި ވަނީ އަނދިރިކަމާއި ހިތާމައެވެ. އަބަދުވެސް ހަނދާން ހުންނަނީ މަންމަގެ ނުރުހުމުގެ ބަސްތަކާއި ބައްޕަގެ ރުޅިވެރި ބެލުންތަކެވެ. އެއްބަނޑު އެއްބަފާ ދައްތަގެ މަލާމާތުގެ ބަސްތަކާއި ބާކީ ކޮށްފައިވާ މީހެއްގެ އިޙްސާސްތަކެވެ. ކުރެވުނު ކުށެއް އަހަންނަކަށް ނޭންގެއެވެ.

ގޭގައި ނޯކަރެއްހެން މަސައްކަތް ނުކުރާ ހަނދާނެއް ނުހުރެއެވެ. އެވަރުންވެސް މަންމަ ހިތްހަމަޖެހޭ އެއްކަމެއްވެސް އަހަންނަކަށް ނުކުރެވެއެވެ. މަންމަގެ ރުޅިވެރި ބަސްތަކުން އަހަރެން ރޮއްވާލައެވެ. އެކަމަކު ކިތަންމެ ވަރަކަށް ރޮޔަސް އެއްވެސް މީހަކު އަޑެއްނާހާނެ ކަން އަހަންނަށް ދަސްވިއެވެ. ބަލިވީމަ އަޅާލާނެ މީހަކު ނުހުރެއެވެ. ލާ އަންނައުނަކީ ދައްތަގެ ބާ ހެދުންތަކެވެ. ދުވަހަކުވެސް އަހަރެންނަށް ހާއްސަ އެއްޗެއް ނުލިބެއެވެ. 

އެހާލުގައިވެސް އަހަރެންގެ އުފަލަކީ އަހަރެންގެ ބޭބެ އެވެ. ބޭބެ އަކީ ވަރަށް ހެޔޮ މީހެކެވެ. މަންމަގެ ފަރާތުން ލިބޭ އަނިޔާ އިން އަހަންނަށް ކެއްކުރެވެނީ ބޭބެގެ އޯގާތެރި ބަސްތަކުންނެވެ. އެކަމަކު ބޭބެ އާއި އަހަރެންގެ ގުޅުން އޮންނަނީ މަންމަގެ ނުފޫޒުން ވަރަށް ބޮޑަށް ހިފޭއްޓިފައެވެ. ބޭބެ އަހަންނާއި ވާހަކަ ދައްކާ އުޅެނީ ސިއްރުންނެވެ. މަންމައަށް ފޮރުވައިގެން ގޭގައި ކާ މީރު އެއްޗެހި އަދި  ބަލީވީމަ ބޭސް ގެނެސްދެއެވެ.

އަހަރެންގެ އާއިލާއަކީ ފަސްމީހުންގެ ކުޑައާއިލާއެކެވެ. މާލޭގައި އުޅޭ މުއްސަނދި ނަން މަޝްހޫރު ބައެކެވެ. ބައްޕަ އަކީ ޤަދަރުވެރި ނަންހިނގާ ވިޔަފާރިވެރިއެކެވެ. މީހުން އަހަރެންގެ މަންމަ ދަންނަނީ ރީތީގެ ރާނީގެ ގޮތުގައެވެ. ޒުވާން އުމުރުގައި މަންމައަކީ ރާއްޖޭގައި ނަންވިދާލި ފިލްމްސްޓާރެކެވެ. ބައްޕައާއި މަންމަ ދިމާވީ މަންމަގެ ޕިލްމެއް ރިލީޒް ކުރި އިވެންޓަކުންނެވެ. އެއަށްފަހު ވަރަށް ލޯބިން ދެމީހުން ކައިވެނިކޮށް ތިން ދަރިން ލިބުމަށްފަހު މަންމަ ޕިލްމީ ދާއިރާއިން ވަކިވިއެވެ.

ބޭބެ އާއި ދައްތައަށް ވެސް މަންމަގެ ރީތިކަން ލިބިފައި ވެއެވެ. ބޭބެއަކީ ރީތިކަމުގެ އިތުރަށް ހިތްހެޔޮ އަދި އެހާމެ ކިޔަވަންވެސް މޮޅުމީހެކެވެ. ދައްތަ އަކީ ކިބުރުވެރި ލިބިފައިވާ ރީތިކަމަށް ނިހާޔަތަށް ފަހުރުވެރިވާ މީހެކެވެ. ދައްތަ އަހަރެންނަށްވުރެ ބޮޑީ ދެއަހަރެވެ. އަހަރެންމިއީ އާއިލާގެ އެންމެ ކުޑަމީހާއެވެ. ބޭބެއާއި ދައްތަ ކިތަންމެ ރީތިވިޔަސް އަހަންނަށް އެނަސީބެއްނެތެވެ. އަހަރެންމިއީ އެއާއިލާ މީހެކޭވެސް ނުބުނާނެއެވެ. އެހާވެސް ތަފާތެވެ. 

އެއްދުވަހެއްގެ ހަވީރުގެ ވަގުތެވެ. އަހަރެން ކޮޓަރިން ނުކުތީ ރީތިވެގެންނެވެ. އޭރުއަދި އަހަންނަށް އެންމެ 8 އަހަރެވެ. މަންމަ، ބައްޕަ،  ބޭބެ އަދި ދައްތަ ވަރަށް ނަލަ ހެދިލައިގެން ގެއިން ނުކުންނަންދިޔަ މަންޒަރު ފެނުނެވެ. އަހަރެންވެސް އެމީހުނާއެކު ދިއުމަށް ހިނގައިގަތީމެވެ. މަންމަ އަހަރެން ހުއްޓުވިއެވެ. އަދި އަހަރެން ނުގެންދެވޭނެއޭ ބުންޏެވެ. އަހަރެން ގޮވައިގެން މަގުމައްޗަށް ނުކުންނަން މަންމަ ލަދުގަނެއޭވެސް ބުންޏެވެ. އަހަރެން ރޮމުން މަންމަގާތުގައި އެއީ ކީއްވެތޯ ސުވާލުކުރީމެވެ. ފުރަތަމަ ފަހަރަށް މަންމަ އަހަންނަކީ ސިފަހުތުރު މީހެއްކަމަށް ބުންޏެވެ. 

އަހަރެން ވީ ދެރައިން ދުވެފައިގޮސް ކޮޓަރިއަށް ވަނީމެވެ. އަހަރެންނަށް ކުރެވުނު ކުށްހީއަކީ އަހަރެން ކޮބައިތޯ ބަލަން މަންމަ ނޫނީ ބައްޕަ އަންނާނެ ކަމަށެވެ. އެކަކުވެސް ނައެވެ. އަހަރެންގެ އެ ކުޑަކުޑަ ހިތުގައި ފުރަތަމަ ފަހަރަށް ރިއްސާލިއެވެ. އެދުވަހު ލޯގަނޑު ކުރީމަތީގައި ހުއްޓިހުރެ އަހަރެންވެސް އަހަރެންގެ ސިފައަށް ބެލީމެވެ.  ބެލިބެލިހެން މަންމަ ބުނި ވާހަކަތައް ގަބޫލުކުރެވުނެވެ…

- ނުނިމޭ -

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.