Advertisement
ފުލުހުންގެ ކްރިމިނަލް އިންވެސްޓިގޭޝަން އިދާރާ --
ލޯބިވެރިޔާ ބްލެކްމެއިލް ކުރުމުގެ ކުށުގައި 19 އަހަރުގެ ފުލުހަކު ހައްޔަރުކޮށްފި
ލޯބިވެރިޔާއަށް ބިރުދައްކައި ބްލެކްމެއިލް ކުރުމުގެ ތުހުމަތުގައި އުމުރުން 19 އަހަރުގެ ފިރިހެން ފުލުހަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، އިއްޔެ ހައްޔަރުކޮށްފައި ވަނީ، އއ. މަތިވެރި ޕޮލިސް ސްޓޭޝަނުގައި މަސައްކަތް ކުރަމުން އައި، އެރަށު ފަޒާ ޒައިދާން މުޙައްމަދު ކަމަށެވެ. އަދި އޭނާއަކީ ފުލުހުންގެ އަސާސީ ތަމްރީން ނުހަދައިހުރި ރެކްރޫޓް ފުލުހެއް ކަމުގައިވެސް ފުލުހުންގެ އިދާރާއިން ހާމަކޮށްފައިވެއެވެ.
ފުލުހުންގެ އިދާރާއިން ވިދާޅުވީ، ޒައިދާން ހައްޔަރުކޮށްފައި ވަނީ، އޭނާގެ ލޯބިވެރިޔާއަށް ބިރުދައްކައި، އޭނާގެ ބަރަހަނާ ފޮޓޯއާ ވީޑީއޯ ސޯޝަލް މީޑިއާގައި ލީކުކޮށްލާނޭ ކަމަށް ބުނެ ބްލެކްމެއިލް ކުރިކަމަށް ތުހުމަތު ކުރެވޭ މައްސަލައިގައި އިއްޔެ ކޯޓުއަމުރެއްގެ ދަށުން ކަމަށެވެ.
